2 красавiка 2020, Чацвер, 22:20
Народны карантын
Рубрыкі

Лукашэнка пра каранавірус: Гэта сайты і каналы хочуць выклікаць паніку

178
Лукашэнка пра каранавірус: Гэта сайты і каналы хочуць выклікаць паніку

Дыктатар устурбаваўся праз фальшыўкі.

Лукашэнка сёння на нарадзе ў Палацы Незалежнасці запатрабаваў разабрацца з распаўсюджвальнікамі фальшывак пра смерці праз каранавірус, піша БелТА.

"Валерый Паўлавіч (старшыня КДБ Валерый Вакульчык - рэд.), ужо годзе на гэта глядзець. Трэба добра прайсціся па гэтых сайтах, каналах. Загінула жанчына ў Віцебску - ніякага там каранавіруса, і пасля гібелі ўзялі аналізы некалькі разоў. Мне паведамляюць пра кожны выпадак такіх смерцяў. Не, ўзялі, напісалі, што загінула нібыта ад каранавіруса. Для чаго? Каб стварыць паніку", - заявіў Лукашэнка.

Дыктатар падкрэсліў, што трэба разабрацца з "нягоднікамі, якія ўкідваюць гэтыя фальшыўкі". "Навошта яны людзей цкуюць? - спытаў ён. - Бог нас ратуе, што мы больш-менш гэты складаны час, калі ідзе пік вострых рэспіраторных захворванняў, яшчэ неяк праходзім, трымаем усё на кантролі. Не, трэба раскруціць абстаноўку, падарваць нешта. Так, у людзей ужо выпрацаваўся імунітэт і да гэтай балбатні ў інтэрнэце. Але чаму мы праходзім міма такіх людзей, якія робяць гэта наўмысна?"

"Я яшчэ раз падкрэсліваю: рэч не ў гэтым каранавірусе. Рэч наогул у нашай прыстойнасці і дысцыпліне. Якая розніца, ад чаго памёр чалавек? Гэта наша расхлябанасць, бязладдзе. Ад вірусных хвароб нельга паміраць. Трэба проста даглядаць людзей. Трэба актывізаваць дзяцей, каб яны дапамагалі старым. Галоўнае цяпер - абараніць старых", - падкрэсліў дыктатар.