Чаму маўчыць Міністэрства аховы здароўя?

У Беларусі зноў няма абноўленых звестак пра колькасць заражаных каранавірусам.

Беларускае Міністэрства аховы здароўя далей захоўвае маўчанне і ўжо традыцыйна не абнаўляе звесткі аб хворых на каранавірус у Беларусі ў нядзелю. Адзіны каментар, які з'явіўся ад прадстаўнікоў міністэрства аховы здароўя Беларусі 22 сакавіка - заява намесніцы Міністэрства аховы здароўя Алена Богдан на тэлеканале СТВ.

Прадстаўніца міністэрства заявіла, што «падстаў для панікі няма». Але ніякіх лічбаў і фактаў не было.

Асабліва дзіўнымі выглядаюць дзеянні беларускага Міністэрства аховы здароўя на фоне абсалютнай адкрытасці і штодзённым інфармаванні сваіх грамадзян урадамі краін Захаду.

Нагадаем, сёння пасля прызыву лідараў беларускай апазіцыі і грамадзянскай супольнасці ў Беларусі пачаўся Народны карантын. Беларусы разважылі не чакаць указанняў зверху і самім паклапаціцца пра здароўе сваіх блізкіх і родных.