30 сакавiка 2024, Субота, 10:04
Падтрымайце
сайт
Сім сім,
Хартыя 97!
Рубрыкі

Пачатак таргоў: за еўра ўжо прапаноўваюць тры рублі

49
Пачатак таргоў: за еўра ўжо прапаноўваюць тры рублі

Самы «дарагі» даляр у абменніках прапануюць па 2,8 рубля.

На адкрыцці таргоў на Беларускай валютна-фондавай біржы ў панядзелак даляр вырас на 2,93%, еўра - на 1,98%. Расейскі рубель знізіўся да беларускага на 0,71%, паводле звестак БВФБ, піша tut.by.

Самы высокі курс продажу банкам еўра - 3 рублі (Банк БелВЭБ), а самы нізкі - 2,85 рубля (РРБ-Банк). Самы выгадны курс здачы еўра цяпер у Абсалютбанку - 2,805 рубля.

Найвышэйшы курс продажу даляра - 2,8 рубля (Ідэя Банк, Цэптэр Банк, Тэхнабанк), а ніжэй за ўсё - 2,671 рубля (Paritetbank). Больш выгадна здаваць амерыканскую валюту цяпер у Тэхнабанку і Абсалютбанку - 2,615 рубля.

На апошніх таргах на Беларускай валютна-фондавай біржы на гэтым тыдні, 20 сакавіка, беларускі рубель знізіўся да даляра і расейскага рубля, але крыху ўмацаваўся да еўра. У першай палове дня 20 сакавіка курс еўра ў некаторых банках перавысіў 3 рублі, а даляра - 2,8 рубля. Пасля абеду курс еўра ў абменніках крыху знізіўся. Даражэй за ўсё прадаваў гэтую валюту БСБ Банк - па 2,992 рубля. Самы высокі курс продажу даляра ў другой палове дня быў на ўзроўні 2,8 рубля (Франсабанк).

21 сакавіка, у суботу, максімальны курс продажу банкам еўра быў 2,99 рубля (БПС-Сбербанк і Беларускі народны банк), а даляра - 2,8 рубля (у гэтых жа банках).

Напісаць каментар 49

Таксама сачыце за акаўнтамі Charter97.org у сацыяльных сетках