9 красавiка 2020, Чацвер, 7:16
Заставайся дома!
Рубрыкі

Расейскі рубель аднавіў падзенне пасля найгоршага тыдня з 2014 года

5
Расейскі рубель аднавіў падзенне пасля найгоршага тыдня з 2014 года

Нафтагазавыя даходы эканомікі РФ скарачаюцца на $4-5 млрд штомесяц.

Расейскі рубель слабее пасля найгоршага тыдня з 2014 года праз падзенне кошту нафты і распродажаў рызыкоўных актываў ва ўмовах пандэміі каранавірусу, паведамляе finanz.ru.

Расейская валюта ў панядзелак зніжалася на 2% да даляра, а даходнасці аблігацый федэральнай пазыкі выраслі па ўсёй крывой: стаўка самых запатрабаваных сёння АФП 26221 дадала 10 базісных пунктаў. На фоне аднаўлення падзення рубля стаўкі адсоткавых свопаў і форвардных пагадненняў зноў растуць і закладваюць павышэнне ключавой стаўкі больш чым на 50 базісных пунктаў у найбліжэйшыя тры месяцы.

«Мы цяпер, як і раней, назіраем мядзведжую тэндэнцыю: дадатковымі фактарамі з'яўляюцца няздольнасць адміністрацыі ЗША ўзгадніць пакет захадаў для падтрымкі эканомікі ва ўмовах росту эпідэміі каранавірусу і новы ўсплёск смяротных выпадкаў у Італіі ды Гішпаніі, - напісаў на электронную пошту галоўны інвестыцыйны стратэг ITI Capital Іскандэр Луцко. - Пры існай цане нафты без адскоку рубель прадоўжыць сваё зніжэнне да 83 за $1, але мы спадзяемся на разварот нафты ад лакальных мінімумаў».

Хедж-фонды скарацілі стаўкі на рост рубля за тыдзень больш чым на 80% за тыдзень да 17 сакавіка, тады як месячны паказчык рублёвага кэры з папраўкай на валацільнасць знаходзіцца паблізу мінімальных амаль за дзевяць гадоў узроўняў.