Геолагі знайшлі закамянеласці магчымага продка сучасных жывёл і чалавека

Гэта першы білатэральны арганізм на нашай планеце.

Геолагі з Каліфарнійскага ўніверсітэта ў Рыверсайд знайшлі на поўдні Аўстраліі закамянеласць, магчыма, самага ранняга продка жывёл, які жыў прыкладна 555 мільёнаў гадоў таму. Як паведамляе Science Daily, яго аднеслі да віду Ikaria wariootia, што перакладаецца як «месца сустрэчы», піша часопіс «Нож».

Выяўленая істота падобная да чалавека і іншых сучасных жывёл будовай: гэта першы білатэральны арганізм, гэта значыць мае двухбаковую сіметрыю, пры якой ягонае цела можна падзяліць на левую і правую паловы, якія люстрана паўтараюць адна адну. Да гэтай групы адносіцца амаль 99% апісаных відаў жывёл.

Праўда, вонкавае падабенства з чалавекам мінімальна: Ikaria wariootia можна параўнаць хутчэй з чарвяком. Як вызначылі навукоўцы, істота існавала ў акіяне ў пласце пяску і рыла норкі ў пошуках арганічных адкладаў. Дзякуючы такому тунэлю навукоўцам і атрымалася высачыць яе.

Як паказала 3D-апрацоўка адбіткаў, даўжыня Ikaria wariootia складала ад 1,9 да 6,7 міліметраў, а шырыня - ад 1,1 да 2,4 міліметраў (як зерне рысу). Аналіз таксама паказаў, што ў гэтага арганізма было цыліндрычнае цела, галава і рот, кішэчнік, а таксама задні праход.