Польшча падоўжыла закрыццё межаў да 13 красавіка
3- 25.03.2020, 17:50
- 14,781
Пры гэтым усе палякі могуць вярнуцца на радзіму.
Урад Польшчы прадоўжыў часовае закрыццё межаў яшчэ на 20 дзён, з сённяшняга дня да 13 красавіка гэтага года.
Пра гэта паведамляе партал Money.pl.
«Ажыццяўленне кантролю, у тым ліку магчымасць абмежавання на прынцыпах, вызначаных у Кодэксе аб межах Шэнгенскай зоны, будзе карэктавацца, у адпаведнасці са ступенню небяспекі, грамадскага парадку або дзяржаўнай бяспекі ў сувязі з узнікненнем сур'ёзнай пагрозы для грамадскай аховы здароўя, выкліканай каранавірусам SARS -CoV- 2, які выклікае захворванне COVID-19», - гаворыцца ў пастанове польскага ўрада.
Спачатку польскія межы былі закрытыя для замежнікаў на 10 дзён з нядзелі 15 сакавіка.
Пры гэтым усе палякі могуць вярнуцца на радзіму. Па вяртанні іх змяшчаюць у абавязковы 14-дзённы хатні карантын.
Прыпыненыя міжнародныяе пасажырскія авіязлучэнні і чыгуначныя злучэнні.
Тавары ўвозяцца і вывозяцца з Польшчы без перашкод.
Паводле апошніх звестак, у Польшчы ад каранавірусу памерлі 13 чалавек, заражаных - 957.