7 красавiка 2020, aўторак, 16:04
Заставайся дома!
Рубрыкі

«Кошты ўпалі, машыны дастаўляем у штатным рэжыме»

1
«Кошты ўпалі, машыны дастаўляем у штатным рэжыме»

На што цяпер можна спадзявацца пры набыцці аўто з Еўропы?

Каранавірус крочыць па планеце і ўносіць карэктывы ва ўсе сферы жыцця. Такога грандыёзнага парушэння планаў не чакаў ніхто: межы зачыненыя, нават самыя буйныя мерапрыемствы скасаваныя.

Хто збіраўся ў адпачынак – вымушаны сядзець дома, хто планаваў прыгнаць аўтамабіль з-за мяжы – вывучае мясцовы рынак. Але ці ўсё так дрэнна? Пра прыгон аўто з Еўропы сайт abw.by пагутарыў з прадстаўніком літоўскага аддзялення аўкцыёну Exleasingcar Айварасам Якулевічусам.

На аўкцыён машыны трапляюць у стане "як ёсць", часцяком – з наяўнасцю ўсёй гісторыі абслугоўвання. Пляцоўку ўжо ацаніла не адна сотня беларускіх аўтааматараў. Чаго варта чакаць ад рынку цяпер?

– Давайце з надзённага. Бізнэсу цяпер нялёгка. Каранавірус паўплываў на аўтамабільныя продажы?

– Колькасць пакупнікоў знізілася, але не крытычна, у рамках нормы ў цяперашняй сітуацыі. Нельга сказаць, што пакупак стала менш у нейкім пэўным коштавым сегменце. Па-ранейшаму прадаюцца як дарагія аўто, так і больш бюджэтныя варыянты.

– Што цяпер адбываецца з коштамі ў цэлым? Ці можна рабіць нейкія прагнозы?

– Як правіла, у сакавіку і красавіку кошты растуць, але падзеі ў свеце ўносяць свае карэктывы. Цяпер усё наадварот: можна казаць пра памяншэнне кошту, і цалкам магчыма, што ў найбліжэйшай будучыні кошты знізяцца яшчэ трохі.

У той самы час чакаць моцнага і рэзкага падзення коштаў не варта. Ніхто не будзе прадаваць аўтамабілі за палову кошту. Хай пакупнікоў і становіцца менш, але і колькасць прапановаў не расце. Некаторыя пляцоўкі ў Еўропе часова прыпынілі сваю працу. У канчатковым выніку рынак адрэгулюе сам сябе. Ёсць меркаванні спецыялістаў, што кошты пазней могуць вырасці – аўтамабільныя заводы спынілі вытворчасць, а праз эканамічную сітуацыю бізнэсу кампаніі будуць прадаўжаць лізінгавыя кантракты – значыць на аўкцыёны будзе выстаўляцца значна менш машынаў.

– Якія пляцоўкі адсеяліся?

– Больш актыўна працуюць Нямеччына і Нідэрланды. Машынаў з Італіі і Францыі засталося мала. Складаецца цікавая сітуацыя. Італьянскія і французскія машыны праз асаблівасці эксплуатацыі раней каштавалі танней, чым з іншых краінаў. Цяпер за падобны кошт можна спадзявацца ўжо на машыны з Нямеччыны ці Нідэрландаў, што азначае і прыкметна лепшы стан, і больш багатыя камплектацыі.

– Зачыненыя межы палохаюць многіх. Ці не атрымаецца так, што пасля аплаты аўтамабіль давядзецца чакаць няпэўны час?

– У пачатку закрыцця межаў сітуацыя была нявызначаная, але ў апошнія дні сітуацыя выстаялася. Тэрміны няшмат павялічыліся. Тыя пляцоўкі, якія цяпер спынілі працу, на Exleasingcar.com папросту не выводзяцца – застаюцца толькі актуальныя прапановы. У астатнім праца ідзе ў штатным рэжыме. У сярэднім з моманту аплаты аўто да яго прыбыцця з усімі неабходнымі дакументамі ў Літву праходзіць тры-чатыры тыдні. Яшчэ пару дзён у залежнасці ад неабходных паслуг накшталт хімчысткі або дробнага рамонту і падрыхтоўкі дакументаў – і можна адпраўляць аўто ў Беларусь.

Што тычыцца закрыцця пляцовак, адкуль мы прыганяем аўтамабілі, то цалкам выключаць верагоднасць узнікнення такой сітуацыі нельга. Ніхто не можа даць дакладныя прагнозы, што будзе адбывацца ў агляднай будучыні.

Аднак трэба разумець, што прыгон аўто з Еўропы і так не мае на ўвазе набыццё за некалькі дзён. Такое магчыма толькі ў тым выпадку, калі машына першапачаткова знаходзіцца ў Літве. Калі якая-небудзь з еўрапейскіх пляцовак раптам зачыніцца, то аўтамабіль проста давядзецца пачакаць крыху даўжэй. Ад гэтага не зменіцца ні ягоны стан, ні ягоны кошт. Затое калі пляцоўкі пачнуць адкрывацца, на зніжэнне коштаў ужо напэўна спадзявацца не выпадзе.

– Пра ўласнаручны прыгон з зразумелых прычынаў можна забыцца. З дастаўкай аўтамабіляў у Беларусь праблемаў не ўзнікае?

– Цяпер дастаўка аддадзеная на выкуп аўтавозаў. Раней вялікім попытам карысталіся паслугі "перагоншчыкаў", калі аўтамабіль дастаўлялі ў Беларусь спецыяльна для пакупніка. Таксама некаторыя пакупнікі аддавалі перавагу прыязджаць па аўтамабіль у Літву асабіста. Таму тэрміны дастаўкі аўтавозаў маглі задоўжвацца – даводзілася чакаць, пакуль аўтавоз "укамплектуюць".

Цяпер аўтавозы камплектуюцца вельмі хутка, бо іншых варыянтаў няма. Але ёсць у гэтым і свае плюсы. Па-першае, гэта крыху танней, чым заказ індывідуальнага прыгону. Па-другое, для дастаўкі аўтавозаў трэба рыхтаваць менш дакументаў, што станоўча ўплывае на тэрміны дастаўкі. Пасля прыбыцця аўто на нашу пляцоўку ў Літве даставіць яго ў Беларусь можна ледзь не на наступны дзень. Кошт самой дастаўкі – 230 еўраў.

– З усяго атрымліваецца, што цяпер самы ўдалы час для набытку?

– Блізка да гэтага. Жыццё ў карантыне не спыняецца – проста даводзіцца быць больш гнуткімі ў сваіх пастановах.