1 красавiка 2020, Серада, 5:00
Народны карантын
Рубрыкі

У Шатландыі стварылі гаваркога робата-лекара

У Шатландыі стварылі гаваркога робата-лекара

Ён закліканы дапамагаць людзям сталага веку.

Спецыялісты ў штучным інтэлекце з Эдынбурга распрацавалі першага ў свеце робата, які будзе адначасова размаўляць больш чым з адным пацыентам, піша «Вокруг света».

Апрыёры гэты робат закліканы дапамагаць паджылым людзям, сказаў Олівер Лемон, прафесар з Універсітэта Херыёта-Уата. Але аднойчы, імаверна, яго можна будзе выкарыстоўваць для барацьбы з вірусамі, такімі, як цяперашні каранавірус.

У будучыні, сцвярджае прафесар, цалкам рэальнай стане сітуацыя, калі вы ўваходзіце ў хол лякарні, а вам насустрач выходзіць робат, які хоча вам дапамагчы.

Варта заўважыць, што робаты ўжо працуюць у некаторых лякарнях. Але ў асноўным іх задачы абмяжоўваюцца перамяшчэннем матэрыялаў, напрыклад, гісторый хвароб.

Што тычыцца новага робата-лекара, то ён будзе працаваць з некалькімі людзьмі ў больш складаных варунках.

Са сцвярджэнняў прафесара Лемана, робат зможа ўстанавіць, колькі людзей знаходзіцца ў памяшканні і вызначыць: ці трывожны пацыент, ці чакаў ён доўгі час.

Ён зможа распазнаць у гутарцы некалькіх людзей іх сацыяльныя ролі: бацька, апякун, доктар, медсястра.

Са слоў прафесара Лемана, гаварлівыя робаты карысныя для здароўя, бо яны памяншаюць стрэс, змякчаюць адзіноту, паляпшаюць настрой.

Сацыяльныя робаты ўяўляюць асаблівую цікавасць для паджылых людзей, таму што яны маюць вялікую патрэбу ў сяброўскіх стасунках.

Таксама гэтыя робаты дапамогуць палепшыць стасункі паміж пацыентамі і бальнічнымі спецыялістамі.

Новы праект атрымаў назву «Сацыяльна значныя робаты ў геранталагічнай ахове здароўя» (SPRING).

Рабатызаваная рэвалюцыя ў ахове здароўя і не толькі

Стварэнне так званых сацыяльна-дапаможных робатаў (SAR) - гэта першы праект, заяўлены Нацыянальным рабатарыюмам.

Будынак гэтага вядучага сусветнага цэнтра робататэхнікі і штучнага інтэлекту павінен адкрыцца ў кампусе Універсітэта Херыёта-Уата ў 2021 годзе.

Тут будуць праводзіцца самыя перспектыўныя даследаванні ў галіне дыялогавага ІІ, кампутарнага зроку, машыннага навучання і ўзаемадзеяння чалавека з робатам, аналізу паводзін чалавека і сенсаматорнага кіравання робатам.

Іншыя ключавыя вобласці даследаванняў Нацыянальнага рабатарыюма - энэргетычныя сістэмы, вытворчасць, дапамога ў побыце, сельскагаспадарчыя тэхналогіі, небяспечныя асяроддзі.