1 красавiка 2020, Серада, 5:28
Народны карантын
Рубрыкі

Лельчыцкая раённая газета апублікавала навіну аб тым, што ў мясцовай лякарні запрацаваў ліфт

12
Лельчыцкая раённая газета апублікавала навіну аб тым, што ў мясцовай лякарні запрацаваў ліфт

Дасягненні беларускай медыцыны.

Як паведаміла раённая газета «Светлае жыццё», пад'ёмнік не функцыянаваў паўтара месяца. Праблему на старонках гэтага выдання паднялі яшчэ ў сярэдзіне лютага і з таго моманту пытанне было «ўзятае на кантроль». Тэма выявілася балючай: у Цэнтральнай раённай лякарні ўсведамлялі, што нават здароваму чалавеку не заўсёды лёгка караскацца па прыступках уверх, а для хворых людзей гэта і зусім можа абярнуцца цэлым выпрабаваннем.

Аднак, як прызнаюць у газеце, замена непрацуючых ліфтаў - справа дарагая і доўгая, таму пакуль там проста замянілі рухавік. Як бы там ні было, ліфт зноў працуе і людзі гэтаму, вядома, рады.

Дарэчы, у ЦПБ Лельчыц прадугледжаная поўная замена ліфтаў, аднак вялікага энтузіязму, відавочна, у мясцовага насельніцтва на гэты конт не назіраецца. «Нават калі грошы і выдзеляць, працэдура закупкі, пошук падраднай арганізацыі і ўсталяванне можа зацягнуцца і на год», - канстатуе «Светлае жыццё».