У Беларусі запасаў грэчкі хопіць на пяць месяцаў
15- 26.03.2020, 20:57
- 14,628
Пра гэта заявіла Міністэрства сельскай гаспадаркі і харчавання Беларусі.
Міністэрства сельскай гаспадаркі і харчавання Беларусі расказала пра запасы крупы, якія ёсць у Беларусі.
- Па ячменнай, пярловай, аўсянай крупам у нас маюцца лішкі. Што тычыцца грэчкі, сёння на камбінатах хлебапрадуктаў ёсць запасы самой крупы і сыравіны для яе вытворчасці на пяць месяцаў. Нам да новага ўраджаю гэтага дастаткова. Сёння ў крамах грэчка ёсць, - заявіў на прэс-канферэнцыі намеснік міністра Уладзімір Гракун.
Акрамя запасаў на камбінатах хлебапрадуктаў, у Беларусі ёсць яшчэ дзяржаўны рэзерв збожжа. Сёння там захоўваецца 1300 тон, піша БелТА. Іх можна будзе выкарыстоўваць, калі ўзнікне востры дэфіцыт на вытворчасці.
Паводле звестак Мінсельгасхарча, мяса і малака ў Беларусі вырабляецца нават больш, чым патрабуе ўнутраны рынак. Лішкі сыходзяць на экспарт.