Рэйтынг Трампа абнавіў гістарычны максімум

Дасягнуты паказчык з'яўляецца абсалютным рэкордам для палітыка.

Рэйтынг прэзідэнта ЗША Дональда Трампа вырас да 47,1%, абнавіўшы гістарычны максімум. Пра гэта сведчаць сярэднія звесткі партала Real Clear Politics.

Незадаволеныя працай Трампа - 49,6% амерыканцаў.

Папярэдні максімум рэйтынгу амерыканскага прэзідэнта быў зафіксаваны 25 лютага 2020 году - 46,3%.

Адзначаецца, што дасягнуты паказчык з'яўляецца абсалютным рэкордам для Трампа, рэйтынг якога ў сярэднім ніколі не быў вышэйшы за антырэйтынгі (акрамя самага першага тыдня на пасадзе прэзідэнта).

Партал Real Clear Politics аналізуе вынікі ўсіх асноўных сацыялагічных апытанняў у краіне што да ўхвалення або неўхвалення дзейнасці Трампа з моманту ягонага ўступлення на пасаду ў студзені 2017 года.

Нагадаем, спроба дэмакратаў у Кангрэсе ЗША абвясціць імпічмент прэзідэнту Дональду Трампу практычна не адбілася на стабільнасці яго падтрымкі. Амаль 49% рэспандэнтаў адказалі адмоўна на пытанне, ці варта Сэнату прагаласаваць за адхіленне Трампа ад пасады. 46% удзельнікаў апытання выказаліся за імпічмент Трампа. Апытанне праводзілася праз тэлефон ва ўсёй краіне 26-29 студзеня.

У канцы 2019 года Палата прадстаўнікоў прагаласавала за абвяшчэнне абвінавачвання Трампу ў перавышэнні паўнамоцтваў і перашкодзе расследаванні Кангрэса ў справе аб імпічменце. 5 лютага 2020 года амерыканскі Сэнат апраўдаў Трампа паводле абодвух артыкулаў абвінавачання ў рамках імпічменту. Прэзідэнт ЗША быў прызнаны невінаватым ў злоўжыванні ўладай і перашкодзе працы Кангрэсу.