«З цяжкасцю мог дыхаць»: лідар «Ювентуса» распавёў аб сваіх сімптомах каранавірусу
1- 28.03.2020, 16:01
- 16,738
Увесь італійскі футбол спынены праз пандэмію.
Нападнік турынскага «Ювентуса» Паўла Дзібала распавёў пра тое, як адчуваў сябе ў вострай фазе хваробы пасля заражэння каранавірусам. Аргенцінца цытуе Football Italia (пераклад - unian.net):
«У мяне адразу з'явіліся сур'ёзныя сімптомы, але цяпер многае ззаду і справы ідуць на папраўку. Цяпер я магу больш рухацца, хадзіць на шпацыр і спрабаваць трэніравацца. Я з цяжкасцю мог дыхаць, а пяць хвілін якой-небудзь дзейнасці цалкам пазбаўлялі мяне сіл. У мяне моцна балелі цягліцы ва ўсім целе. На шчасце, мы з маёй дзяўчынай Арыянай цяпер адчуваем сябе значна лепш», - заявіў Дзібала.
Нагадаем, «Ювентус» знаходзіцца на карантыне, а ўвесь італійскі футбол спынены праз пандэмію каранавірусу. Італія стала адным з сусветных эпіцэнтраў у распаўсюдзе COVID-19.