«Я не магла дыхаць»: беларуска з Брытаніі распавяла, як перанесла каранавірус

Спачатку з'явіліся кашаль і насмарк.

Калі ў жыхаркі Лондана і ўраджэнкі Беларусі Яўгеніі Тайлер з'явіліся кашаль і насмарк, яна занепакоілася і патэлефанавала ў медыцынскую даведачную службу. Яе супакоілі, што гэта, хутчэй за ўсё, звычайная прастуда.

Праз тыдзень Яўгена стала задыхацца і яе хлопец адвёз яе ў шпіталь. Зірнуўшы на здымак лёгкіх, лекар тут жа паставіў дыягназ - каранавірус.

Яўгенія распавяла Рускай службе Бі-бі-сі пра тое, як каранавірус выявіўся ў яе і як яе лячылі ў адной з лонданскіх бальніц.

«Я не магла ўдыхнуць на поўныя грудзі, станавілася вельмі страшна, вельмі цяжка», - так беларуска апісвае стан пры каранавірусе.