Чаго беларусам чакаць у найбліжшы час ад коштаў на тавары?

Ўся краіна зараз сочыць за курсам даляра.

За курсам валют цяпер сочыць, напэўна, кожны. Бо кожны жыхар Беларусі разумее: ад гэтага залежыць кошт шмат якіх тавараў і паслуг, піша журналістка «Вечернего Бреста» Святлана Яцанюк.

Як цяпер мяняюцца цэны, якая будзе тэндэнцыя і да чаго варта рыхтавацца? У крамах бытавой тэхнікі людзі скупілі тавары, якія прадаваліся за найбольш выгадную цану. Напэўна, гэта было звязана з тым, што курс даляра пачаў расці, і спрацавала ўжо звыклая для Беларусі схема: шмат хто ўклаў грошу ў тэхніку, якая была патрэбная. Не чакаючы павышэння яе цаны. Асобная тэма - уся лінейка тавараў, з польскімі і ўкраінскімі цэтлікамі, якія найбольш часта сустракаюцца на базарах і ў дробных прыватных крамах. Іх шлях да нас далёка не заўсёды ляжыць праз вялікіх гуртовых прадаўцоў, а сотні прыватных аўтамабіляў прывозяць гэты тавар з суседніх краін; з нядаўняга часу спыніўся ўвоз і з Украіны, і з Польшчы, і нават Расея замкнула мяжу з Беларуссю.

Каштоўныя наказы для ўсіх

Калі прайсціся па харчовай краме, розніца ў цане шэрагу тавараў прыкметная не моцна. Нешта ў цане павялічылася, нешта - засталося на ранейшым узроўні. Напрыклад, усё ў тых жа цэнах прадаюцца малако, тварог, цукар. Але падаражэла грэчка. Прычым падаражэнне адбылося імкліва. Да прыкладу, літаральна за дзень кошт кілаграма грэчкі адной маркі ўзняўся на 50 капеек, і яна стала каштаваць не 1,50 рубля, а два рублі.

Больш яскрава выяўленая сітуацыя з ростам цэн назіраецца на базары. Кава 500 г меленая, якая яшчэ тыдні два таму прадавалася за 9,5 рубля, цяпер каштуе амаль 20 рублёў. Падаражэлі на паўрубля-рубель яблыкі. І плануецца павышэнне цаны гародніны. Цяпер памідоры, да прыкладу, можна купіць за цану 4-6 рублёў за кілаграм. Але неўзабаве, са слоў прадаўцоў, цана зменіцца:

- Гэта яшчэ ідзе распродаж тавару, набытага раней. Таму вось гэтыя памідоры каштуюць 6 рублёў за кілаграм. Але трэба разумець, што ўжо цяпер іх закупная цана 6 рублёў. А яшчэ трэба нешта зарабіць возніку, прадаўцу. Напэўна, далей будзем прадаваць за 8 рублёў за кілаграм.

Прыкладна гэтак жа пра падаражэнне кажа кожны прадавец на рынку. І прычына такога перагляду цэн адна - рост курсу даляра.

На рэчавым рынку сітуацыя прыкладна тая ж. Прадаўцы ёсць, тавар - таксама. Шмат якія прадпрымальнікі набылі ўсе яшчэ да замыкання меж паміж краінамі. Таму пра нястачу тавараў гаворка пакуль не ідзе. І цэны яшчэ шмат якія прадаўцы трымаюць на ранейшым узроўні. Але ўжо разважаюць пра рост.

- Вось гэтая кофта каштуе $ 18. Пры ранейшым курсе яе цана - 40 рублёў. Але калі перавесці ўжо на цяперашні курс - яна мае каштаваць 50 рублёў. Калі даляр наблізіцца да 3 рублёў - мне давядзецца падняць цану. Інакш я буду працаваць стратна, - расказаў адзін з працаўнікоў базару.

Яшчэ лепш сітуацыя з падаражэннем відаць у крамах для продажу тэхнікі. Там рост цэн вымяраецца не ў капейках, а ў дзясятках або нават сотнях рублёў. Прыклад: кампутар, які каштаваў яшчэ ў мінулую пятніцу 1300 рублёў, падаражэў за суботу-нядзелю да 1700 рублёў.

- Мы самі не ведаем, колькі каштавацьме тавар заўтра. Ёсць цана на сёння - сёння за яе і прадаем. Астатняе залежыць ад прадаўцоў. Самі разумееце, тэхніка паступае з-за мяжы. Адпаведна, закуп ідзе не ў беларускіх рублях. І, безумоўна, у залежнасці ад курсаў валют будзе фармавацца цана. Але цяпер яна зусім непрадказальная. Змяніцца можа ў кожны дзень, - расказалі ў адной з крам тэхнікі.