Вярхоўная Рада Украіны звольніла міністра фінансаў і міністра аховы здароўя

Прызначыць новых не атрымалася.

30 сакавіка Вярхоўная Рада Украіны сабралася для правядзення двух пазачарговых пасяджэнняў, піша «Новы час».

У гэты дзень прэм'ер-міністр Дзяніс Шмыгаль унёс у Вярхоўную Раду кандыдатуры на пасады міністраў аховы здароўя, фінансаў і энэргетыкі.

Галоўнае, што адбылося на паседжанні:

Рада звольніла міністра аховы здароўя Іллю Емца і міністра фінансаў Ігара Уманскага.

Галасоў за прызначэнне замест іх Максіма Сцяпанава і Сяргея Марчанкі не хапіла.

Пытанне пра прызначэнне міністаркай энэргетыкі і абароны навакольнага асяроддзя Вольгі Буславец знятае.

Прыняты шэраг антыкаранавірусных законапраектаў.

Рада не змагла ўнесці антыкрызісныя змены ў дзяржбюджэт на 2020 год.