2 чэрвеня 2020, aўторак, 15:39
Сім сім, Хартыя 97!
Рубрыкі

Кошт расейскай нафты Urals знізіўся да $13 за барэль

21
Кошт расейскай нафты Urals знізіўся да $13 за барэль

Гэта ўзровень коштаў сакавіка 1999 года.

Кошт расейскай нафты гатунку Urals у Паўночна-Заходняй Еўропе апусціўся да мінімальнага ўзроўню з сакавіка 1999 году - 13 даляраў за барэль. Пра гэта гаворыцца ў справаздачы агенцтва Argus Media, паведамляе finanz.ru.

Зніжка на Urals засталася ранейшай - 4,75 даляра на барэль. Гэта максімальнае значэнне дысконту з чэрвеня 2008 года, адзначае агенцтва.

Паводле інфармацыі Argus, сёння ф'ючэрсы на Brent на біржы ICE пачалі павольна расці, бо трэйдараў падбадзёрыла навіна аб магчымым супрацоўніцтве Расеі і ЗША ў стабілізацыі рынкаў.

«Удзельнікі рынку не выключаюць даволі працяглага перыяду захавання нізкіх коштаў нафты праз скарачэнне нафтаперапрацоўкі. Попыт на многія нафтапрадукты ў свеце імкліва паменшыўся з прычыны значнага зніжэння сусветнай эканамічнай актыўнасці праз пандэмію каранавірусу. Заканчэнне тэрміну дзеяння ўгоды АПЕК + пагоршыла сітуацыю і прывяло да павелічэння прапановы сыравіны на сусветным рынку», - гаворыцца ў справаздачы.

31 сакавіка кошт ф'ючэрса на нафту маркі Brent з пастаўкай у чэрвені 2020 года на біржы ICE ў Лондане вырас на 1,6% - да 26,85 даляра за барэль. Пры гэтым у піку росту кошт нафты гэтага гатунку дасягаў 27,4 даляра за барэль. Кошт маркі WTI ўзрос на 5,4% - да 21,18 даляра за барэль.

Напярэдадні кошт нафты Brent апускаўся да ўзроўню сакавіка 2002 году - да 21,76 даляра за барэль, кошт нафты WTI падаў да 20,1 даляра за барэль.