Таргі скончыліся рэкордным ростам даляра і еўра

Курс даляра - 2,35 рублёў, еўра - 2,67.

Даляр і еўра адначасова абнавілі гістарычныя максімумы на таргах Беларускай валютна-фондавай біржы, піша select.by.

Валютны кошык падаражэў на 0,21%, але свой максімум не абнавіў. З пачатку сакавіка ён падаражэў на 0,32%.

Курс даляра ірвануў уверх на 0,1122 BYN да 2,3518 BYN/USD і абнавіў абсалютны максімум.

Пасля першага тыдня сакавіка валюта падаражэла толькі на 0,0005 BYN. За сёння атрымалася ў 224 (!) разы больш.

З пачатку сакавіка кошт даляра вырас на 11 капеек (+5,03%), а з пачатку года ўжо на 24 капейкі (+11,54%).

Курс еўра падскочыў уверх яшчэ мацней, чым даляр. Так, пасля таргоў еўра падаражэў на 0,1572 BYN да 2,6750 BYN/EUR і адразу на 12 капеек перавысіў папярэдні рэкорд.

Еўравалюта расце ўжо дванаццатыя таргі запар. Агульнае ўмацаванне за гэты час склала амаль 30 (!) капеек.

Курс расейскага рубля абрынуўся на 0,1587 BYN да 3,1628 BYN/100 RUB да мінімуму за паўгода.

Вынікі першага тыдні сакавіка 2020 на валютным рынку Беларусі

Беларускі рубель скончыў тыдзень умацаваннем да расейскага рубля, з адначасовым паслабленнем да еўра і даляра:

• даляр 0,0005 BYN (+0,02%);

• еўра 0,0503 BYN (+2,04%);

• расейскі рубель -,0191 BYN (-0,57%);

• валютны кошык +0,11%.