Улады распавялі, хто заплаціць менш за дарожны падатак
35- 9.03.2020, 17:41
- 30,901
Гэта змогуць сабе дазволіць далёка не ўсе беларусы.
Падатак за допуск да ўдзелу ў дарожным руху - дарожны падатак - могуць знізіць на 20%, але толькі для юрыдычных асоб. Такая прапанова прадугледжаная ў праекце ўказа аб раздзяленні дарожнага падатку і тэхагляду, паведамілі ў эфіры канала «Беларусь 1», піша The Village Беларусь.
Праект указа цяпер разглядае ўрад.
Раней паведамлялася, што дарожны збор у Беларусі прапануецца адвязаць ад праходжання тэхагляду і дазволіць плаціць па частках. Праблемай дарожнага збору ў Беларусі заняўся яшчэ папярэдні склад урада, аднак пытанне зацягнулася на некалькі гадоў. Раней праект пастановы быў падрыхтаваны, аднак ад яго чыноўнікі адмовіліся на шэраг прычын.