Актор з «Зорных войнаў» памёр ад каранавіруса
- 1.04.2020, 9:49
- 18,225
За апошнія дні ў Вялікабрытаніі памерлі ад COVID-19 380 чалавек.
Актор і выкладчык сцэнічнай мовы Эндру Джэк памёр ад каранавіруса ў Вялікабрытаніі. Пра гэта 31 сакавіка паведаміла газета Evening Standard (пераклад - korrespondent.net).
Як адзначыла агентка актора, Джэк быў шпіталізаваны ў клініку Святога Пятра ў Чэртсі і памёр ад COVID-19 раніцай 31 сакавіка.
Жонка актора Габрыэль Роджэрс у гэты час знаходзілася ў Аўстраліі на карантыне, праз гэта не змагла развітацца з мужам. Яна напісала ў Twitter, што заражэнне каранавірусам ў Джэка дыягнаставалі два дні таму.
We lost a man today. Andrew Jack was diagnosed with Coronavirus 2 days ago. He was in no pain, and he slipped away peacefully knowing that his family were all 'with' him.
— Gabrielle Rogers (@GabrielleRoger1) March 31, 2020
Take care out there, lovers x@RealHughJackman @chrishemsworth @RobertDowneyJr pic.twitter.com/fm5LevA8n2
Эндру Джэк сыграў у двух эпізодах «Зорных войнаў» - «Абуджэнне сілы» і «Апошнія джэдаі».
У якасці пастаноўшчыка мовы ён працаваў з больш як 200 акторамі.
Джэк быў задзейнічаны ў здымках трылогіі «Уладар пярсцёнкаў» для стварэння акцэнтаў розных насельнікаў Міжзем'я. Менавіта ён навучыў актораў гаварыць па-эльфійску.
Таксама Джэк распрацаваў акцэнты для актораў фільма «Троя» Вольфганга Петерсэна.
Нагадаем, паводле апошніх звестак універсітэта Джонса Гопкінса, у Вялікабрытаніі зафіксавалі больш за 25 тысяч выпадкаў заражэння каранавірусам, памерлі 1,7 тысячы чалавек. За апошнія дні ў Вялікабрытаніі памерлі ад каранівіруса 380 чалавек.
