15 лiпеня 2020, Серада, 5:52
Сім сім, Хартыя 97!
Рубрыкі

Падчас пандэміі ў Беларусі будуць паміраць не ад каранавіруса

26
Падчас пандэміі ў Беларусі будуць паміраць не ад каранавіруса
Анатоль Шумчанка
Фота: Facebook

Мы даведаліся пра смерць ад COVID-19 толькі таму, што памёр вядомы чалавек.

Мы ў сям'і адразу прыйшлі да меркавання, што ў нас паміраць падчас пандэміі каранавіруса будуць не ад гэтага.

І напішуць у картках у большасці сваёй адпаведна: пнеўманія, сэрца, ціск і іншыя хваробы. Толькі не COVID-19.

Для людзей абмежаваных растлумачу на пальцах: гэта як чалавек разбіўся на аўто, але прычыну не ставяць «смерць у выніку ДТЗ», а проста памёр праз спыненне сэрца, у выніку траўмы. Вось і статыстыка ДТЗ пойдзе на спад адразу. Кліч якіх хочаш экспэртаў, дакументы ўжо аформлены і напісаныя ў справаздачах.

Гэтага нельга дапускаць!

Поўная аналогія з гісторыяй свінога грыпу, калі паўсюдна ставілі ВРВІ.

Краіны свету змагаюцца з вірусам адкрыта і стоячы, гледзячы гэтай поскудзі ў вочы. Там няма падмены і ў гэтым іх сіла. Але ў нас свой шлях і лінія паводзін, адрозная ад усіх?!

Ніколі мана не была мацнейшай за праўду і справядлівасць. Не будзе так і цяпер.

Беларусь даведалася пра смерць ад COVID-19 толькі таму, што памёр вядомы ў колах чалавек, а яго блізкія здзейснілі грамадзянскі ўчынак і агучылі усё гэта, каб выратаваць чыёсьці жыццё ў будучыні, паказаўшы сутнасць таго, што адбываецца.

Дык што ж цяпер разглядаць за хлусню, прапісаныя ў картках хворых рукамі лекараў: дыягназы пнеўманіі або COVID-19...

Дзе мяжа прыстойнасці і маны, і як яе падзяліць і адрозніць, калі ўжо і лекары сталі падпісваць паперы аб невыдаванні і ставіць магчыма патрэбныя для статыстыкі дыягназы?!

Свет паказаў, што поспех барацьбы з COVID-19 залежыць ад хуткасці прынятых правільных захадаў і поўнай галоснасці ў гэтым пытанні, каб не зніжаўся ўзровень парога інстынкту самазахавання, у мэтах павелічэння на перыяд пандэміі адказнасці і мер прафілактыкі і асцярожнасці.

Іншымі словамі, рэальная карціна, разам з разумнымі дзеяннямі ўладаў, увядзеннем адказнасці - падвысяць на парадак адказныя паводзіны людзей і гэта дасць магчымасць мець кіраваны працэс барацьбы за захаванне здароўя нацыі і пазбегнуць хаосу і панікі.

Хачу звярнуцца да лекараў: калі вам патрэбна дапамога - пішыце ў сваіх сетках, мы робім агульную справу і дапаможам.

І кажаце, як ёсць, моцны народ прымае выклік і спраўляецца з ім, а не бегае ад яго.

Мы ўсе ў адной лодцы і нам трэба зараз выжыць, таму плата за хлусню цяпер высокая, як ніколі, бо ад гэтага залежыць наўпрост наша жыццё і жыццё нашых родных і блізкіх!

А уладам не трэба шукаць ворагаў, паглядзіце вакол і вы ўбачыце тысячы людзей, гатовых вас падтрымаць, толькі трэба быць шчырымі і сумленнымі. Мы адзін народ.

Беражыце сябе і здароўя ўсім!

З Богам!

Анатоль Шумчанка, «Фэйсбук»