28 сакавiка 2024, Чацвер, 18:37
Падтрымайце
сайт
Сім сім,
Хартыя 97!
Рубрыкі

У ЖЭСах Менска можна замовіць дэзінфекцыю пад'езда за грошы

55
У ЖЭСах Менска можна замовіць дэзінфекцыю пад'езда за грошы
ФОТА: СВЯТАСЛАЎ ЗОРКІ

Для аднаго пад'езда пяціпавярхоўкі гэтая паслуга абыдзецца прыкладна ў 20 рублёў.

Паводле графіку вільготная ўборка з выкарыстаннем дэзінфекцыйных сродкаў у пад'ездзе праводзіцца раз на месяц. Спецыялісты прадпрыемства «Менская гарадская жыллёвая гаспадарка» кажуць, што для дэзінфекцыі ЖЭУ выкарыстоўваюць раствор хлоркавай вапны і дэзінфікуючыя сродкі беларускай вытворчасці. Які менавіта сродак выкарыстоўваць, вырашае ЖЭУ, паведамляе kp.by.

Аднак жыхары могуць замовіць дадатковую дэзінфекцыю. Для аднаго пад'езда пяціпавярхоўкі гэтая паслуга абыдзецца прыкладна ў 20 рублёў.

- Кошт можа змяніцца ў залежнасці ад плошчы дапаможнага памяшкання і таго, чым пакрытыя сцены. Калі яны пафарбаваныя фарбай - іх можна апрацаваць, калі пабеленыя, то не, - тлумачыць Настасся Вараб'ёва, намесніца гендырэктара Менскай гарадской жыллёвай гаспадаркі. - Канкрэтны кошт пралічыць ЖЭУ. Правядзенне такой уборкі можна замовіць на рэгулярнай аснове.

Схема такая: любы жыхар дома можа звярнуцца ў ЖЭУ, яго спецыялісты затым правядуць сход з усімі жыхарамі пад'езда і раскажуць, колькі будзе каштаваць паслуга, і з кожным, хто будзе гатовы яе аплаціць, складуць дамову аб яе аказанні. Пасля аказання паслугі аплату занясуць у камунальныя плацяжы.

- Чым больш людзей пагодзіцца, тым менш будзе кошт на аднаго чалавека. А калі хто-небудзь з жыхароў не захоча плаціць за паслугу, яму не давядзецца гэтага рабіць. Дамова можа быць укладзеная і на аднаго чалавека, які пагодзіцца аплаціць усё сам, - тлумачыць спецыяліст.

А ці можна пазбегнуць сходу? Настасся Вараб'ёва кажа, што ахвочыя пазбегнуць асабістых сустрэч могуць загадзя пацікавіцца ў агульным чаце дома, хто гатовы заплаціць за дэзінфекцыю, паведаміць нумары кватэр у ЖЭУ, і гэтым жыхарам дашлюць дамову на пошту.

- У любым выпадку для пачатку трэба разумець, колькі чалавек будзе аплачваць паслугу, ад гэтага будзе залежаць сума, якая прыйдзецца на кожнага канкрэтнага жыхара, - тлумачыць спецыяліст.

У стандартную вільготную ўборку ўваходзіць мыццё ліфтавай кабіны, пляцовак, сходаў і парэнчаў. Калі ж жыхары захочуць, каб у пад'ездзе дэзінфікавалі кнопкі дамафона і ліфта, гэта трэба агучыць пры ўкладанні дамовы. Кошт гэтых работ таксама разлічваецца ад плошчы, таму яна моцна не зменяць цэннік. На жаданне жыхароў дэзінфікаваць кнопкі могуць некалькі раз на дзень.

Напісаць каментар 55

Таксама сачыце за акаўнтамі Charter97.org у сацыяльных сетках