Стратэгічны звышгукавы бамбавік ЗША B-1B атрымае 31 гіпергукавую ракету

Ракеты будуць размяшчацца ва ўнутраных адсеках самалёта і на вонкавых падвесках.

Амерыканскія звышгукавыя стратэгічныя бамбавікі з крылом змененай стрэлападобнасцю B-1B Lancer могуць атрымаць па 31 гіпергукавай ракеце. Пра гэта заявіў генерал Вайсковых паветраных сіл (ВПС) ЗША Цімаці Рэй, піша lenta.ru са спасылкай на Air Force Magazine.

Паводле ягоных слоў, ракеты AGM-183A Air Launched Rapid Response Weapon (ARRW) і Hypersonic Air-breathing Weapon Concept (HAWC) будуць размяшчацца ва ўнутраных адсеках самалёта і на вонкавых падвесках. ТАстатнія B-1B Lancer атрымаюць гэтую зброю пасля таго, як 17 такіх самалётаў будуць спісаныя.

Генерал адзначыў, што такім чынам B-1B Lancer разгрузяць стратэгічныя бамбавікі B-52 Stratofortress. Таксама плануецца прыцягнуць B-1B Lancer да выпрабаванняў гіпергукавой зброі.

У сакавіку амерыканская кампанія Lockheed Martin паказала выяву перспектыўнай «звышхуткай» (або гіпергукавой) ракетнай сістэмы AGM-183A ARRW.

У лютым прэзідэнт ЗША Дональд Трамп заявіў, што ў краіны «ёсць звышхуткія ракеты».

У чэрвені 2019 года амерыканскі стратэгічны бамбавік B-52H Stratofortress здзейсніў першы палёт з гіпергукавой аэрабалістычнай ракетай AGM-183A ARRW.