У ЕЗ узгаднілі план падтрымкі эканомікі на €540 млрд

Пакет новых захадаў дасць магчымасць давесці агульную фінансавую рэакцыю ЕЗ на эпідэмію да 3,2 трыльёна еўраў.

Міністры фінансаў краін-чальцоў ЕЗ узгаднілі пакет эканамічных захадам сумай 50 мільярдаў еўраў для падтрымкі эканомікі блока, што пацярпела ад каранавіруса, паведамляе korrespondent.net са спасылкай на Reuters.

Міністр фінансаў Партугаліі і прэзідэнт Еўрагрупы Марыё Сэнтэна растлумачыў, што 100 мільярдаў еўраў пойдуць на схему субсідавання заробку, каб кампаніі маглі скараціць працоўны час, а не працоўныя месцы.

Ён таксама адзначыў, што Еўрапейскі інвестыцыйны банк пашырыць крэдытаванне кампаній на 200 мільярдаў еўраў, а фонд Еўрапейскага механізму стабільнасці (ЕСМ) у еўразоне выдасць урадам 240 мільярдаў еўраў танных крэдытаў.

Пагадненне было дасягнутае пасля таго, як Нямеччына і Францыя здолелі пераадолець апазіцыю з боку Нідэрландаў што да дадавання эканамічных умоў да надзвычайнага крэдыту для ўрадаў, якія перажываюць наступствы пандэміі, і запэўнілі Італію ў тым, што блок праявіць салідарнасць.

Але ў пагадненні не згадваецца выкарыстанне супольнай запазычанасці для фінансавання аднаўлення - тое, на чым моцна намагала Італія, Францыя і Гішпанія, але гэта "чырвоная лінія" для Нямеччыны, Нідэрландаў, Фінляндыі і Аўстрыі.

Пастанову яшчэ павінны зацвердзіць лідары 27 краін ЕЗ, што азначае, што яшчэ трэба будзе правесці шмат сур'ёзных дыскусій у гэтым пытанні.

Пакет новых захадаў дасць магчымасць давесці агульную фінансавую рэакцыю ЕЗ на эпідэмію да 3,2 трыльёна еўраў, што з'яўляецца найбуйнейшай праграмай у свеце.