Міністэрства аховы здароўя Беларусі налічыла ў краіне 1981 выпадак каранавіруса
25- 10.04.2020, 12:47
- 67,359
Незалежныя экспэрты адзначаюць, што гэтыя лічбы заніжаныя.
У Беларусі, паводле афіцыйных звестак, зафіксаваны 1981 выпадак каранавіруса, паведамляе Міністэрства аховы здароўя.
«На 10 красавіка 2020 у Беларусі 1793 чалавека знаходзіцца на стацыянарным лячэнні з пацверджанай каранавіруснай інфекцыяй.
Большасць выпадкаў - гэта выяўленыя кантакты 1 і 2 узроўняў.
72 пацыенты маюць патрэбу ў падтрымцы апарата штучнай вентыляцыі лёгкіх, ім праведзены медыцынскія кансіліумы з удзелам вядучых інфекцыяністаў і анэстэзіёлагаў-рэаніматолагаў.
Пасля праходжання лячэння ачунялі 169 чалавек.
Памерла 19 з хранічнымі захворваннямі з выяўленай
каранавіруснай інфекцыяй», - гаворыцца ў паведамленні Міністэрства аховы здароўя.
Варта адзначыць, што ў Беларусі дагэтуль не ўведзены захады карантыннага характару. Праходзяць масавыя спартыўныя і культурныя мерапрыемствы.
Незалежныя СМІ і блогеры адзначаюць, што выпадкаў заражэння і смерці ад каранавіруса ў Беларусі значна больш, чым паведамляе Міністэрства аховы здароўя.