Трамп заклікаў Кангрэс зацвердзіць выдзяленне $250 мільярдаў для дапамогі малому бізнэсу
2- 10.04.2020, 18:06
- 8,197
Зацвярджэнне фінансавання затармазілася праз рознагалоссі паміж дэмакратамі і рэспубліканцамі.
Прэзідэнт ЗША Дональд Трамп заявіў у пятніцу, што Кангрэс павінен без прамаруджання і без унясення якіх-небудзь дадаткаў ухваліць захады для надання новай дапамогі малому бізнэсу ў суме 250 мільярдаў даляраў, паведамляе «Голас Амерыкі».
Праз рознагалоссі, што ўзніклі паміж рэспубліканцамі і дэмакратамі, кангрэсмэны не могуць прыйсці да пагаднення і выдзеліць дадатковае фінансаванне для надання дапамогі малому бізнэсу.
Democrats are blocking a 251 Billion Dollar funding boost for Small Businesses which will help them keep their employees. It should be for only that reason, with no additions. We should have a big Infrastructure Phase Four with Payroll Tax Cuts & more. Big Economic Bounceback!
— Donald J. Trump (@realDonaldTrump) April 10, 2020
«Дэмакраты блакуюць павелічэнне фінансавання малога бізнэсу на 251 млрд даляраў, што дапаможа [малым прадпрымальнікам] захаваць сваіх супрацоўнікаў. Гэта павінна быць зроблена толькі на гэтую прычыну, без унясення якіх-небудзь дадаткаў. Мы плануем вялікую чацвёртую фазу надання дапамогі, з [фінансаваннем] інфраструктуры, скарачэннем падаткаў на заробак і іншымі захадамі. Вялікая рэабілітацыя эканомікі!» - напісаў амерыканскі прэзідэнт у сваім Твітары.