Колькасць ахвяр каранавіруса ў свеце перавысіла 100 тысяч

Амаль пятая частка загінулых прыпадае на Італію.

Увечары 10 красавіка колькасць ахвяр пандэміі каранавіруснай інфекцыі перавысіла 100 тысяч чалавек. Пра гэта сведчаць звесткі амерыканскага Універсітэта Джонса Хопкінса, які ў рэжыме анлайн сочыць за распаўсюджваннем хваробы, піша gordonua.com.

Паводле стану на 20.30 10 красавіка ў свеце зарэгістравана 100 376 звязаных з COVID-19 смерцяў.

Амаль 75% загінулых прыпадае на дзевяць краін:

Італія (18 849);

ЗША (17 836);

Гішпанія (15 970);

Францыя (12 228);

Вялікабрытанія (8973);

Іран (4232);

Кітай (3340);

Бельгія (3019).

У астатніх краінах свету (хаця б адзін выпадак каранавірусу пацверджаны ў 184 незалежных дзяржавах і залежных тэрыторыях) загінулі 15 829 чалавек.

Успышка каранавіруснай інфекцыі COVID-19 пачалася ў снежні 2019 года ў кітайскай Ухані. 11 сакавіка 2020 года СААЗ абвясціла распаўсюджванне каранавіруса пандэміяй. У еўрапейскіх дзяржавах у апошнія дні назіраецца тэндэнцыя да зніжэння новых выпадкаў заражэння і колькасці смерцяў, тады як у ЗША эпідэмія набліжаецца да піка.