У Грузіі цалкам забароняць рух на легкавых аўтамабілях

Урад Грузіі зробіць больш жорсткім карантын праз рост выпадкаў каранавіруса.

Урад Грузіі цалкам забароніць рух на легкавых аўтамабілях да 21 красавіка. Пра гэта паведамляе РБК са спасылкай на мясцовыя СМІ.

Са слоў дарадцы прэм'ер-міністра Грузіі Іраклія Чыкавані, забарона пачне дзейнічаць з 17 красавіка. Гэтае абмежаванне не будзе тычыцца перавозкі грузаў і аўто дыстрыбуцыі.

«Нягледзячы на заклікі лекараў заставацца дома рух застаецца вельмі інтэнсіўным, а сёння ў свеце няма іншага метаду барацьбы з каранавірусам як сацыяльная дыстанцыя. Таму ўрад яшчэ раз настойліва просіць заставацца дома і з гэтай мэтай прымае рашэнне ўзмацніць захады. З 17 красавіка з 12:00 да канца дзеяння надзвычайнага становішча 21 красавіка ўводзіцца поўная забарона на перамяшчэнне легкавых аўтамабіляў», - сказаў Чыкавані.

Таксама з заўтрашняга дня становіцца абавязковым нашэнне медыцынскіх масак у закрытых месцах. За парушэнне гэтага рэжыму - штраф 15 тысяч лары.

Нагадаем, раней у Грузіі закрылі на ўезд і выезд чатыры найбуйнейшыя гарады: Тбілісі, Руставі, Батумі і Кутаісі. Таксама ўрад краіны працягнуў рэжым надзвычайнага становішча. Першы выпадак заражэння ў краіне быў зафіксаваны 26 лютага першая смерць - 4 красавіка.