ЗША перадалі Эстоніі 128 супрацьтанкавых ракет Javelin

Угода адбылася ў рамках буйнога кантракту.

Злучаныя Штаты Амерыкі перадалі Сілам абароны Эстоніі 128 супрацьтанкавых ракет Raytheon Javelin.

Пра гэта ў чацвер, 2 красавіка паведаміла амбасада ЗША ў Эстоніі, піша «Еўрапейская праўда».

Супрацьтанкавыя ракеты былі перададзеныя 15 лютага ў рамках буйнога кантракту, падпісанага Цэнтрам абаронных інвестыцый Эстоніі і Міністэрствам абароны ЗША.

Перададзенае ўзбраенне з'яўляецца працягам нарошчвання абароннага патэнцыялу Эстоніі для ўмацавання стратэгічнай інтэграцыі дзвюх краін і забеспячэння аператыўнай сумяшчальнасці паміж супольнікамі і партнёрамі з NАТО, падкрэслілі ў пасольстве.

Пераносныя супрацьтанкавыя ракетныя комплексы Javelin з'яўляюцца часткай супрацоўніцтва, якое прадугледжвае супольнае фінансаванне з боку Дзяржаўнага дэпартамэнту ЗША і дзяржаўнага бюджэту Эстоніі.

За апошнія некалькі год ЗША выдалі Эстоніі дапамогу для гарантавання бяспекі на суму больш за 100 млн даляраў ЗША.

Вайскоўцы ЗША ўзаемадзейнічаюць са сваімі эстонскімі калегамі больш за 150 разоў на год.