28 сакавiка 2024, Чацвер, 18:32
Падтрымайце
сайт
Сім сім,
Хартыя 97!
Рубрыкі

Старшыня меджліса Ірана падхапіў каранавірус

3
Старшыня меджліса Ірана падхапіў каранавірус
АЛІ ЛАРЫДЖАНІ

Гэта не першы чыноўнік высокага ўзроўню, які заразіўся ў Іране.

Старшыня меджліса (іранскага парламента) Алі Ларыджані падхапіў каранавірус SARS-CoV-2. Пра гэта са спасылкай на ўлады краіны паведамляе агенцтва «Интерфакс».

Як Ларыджані пераносіць выкліканую каранавірусам хваробу COVID-19, не паведамляецца. Вядома толькі, што яго змясцілі ў карантын. Ён стаў самым высокапастаўленым чыноўнікам у Ісламскай Рэспубліцы, якога закранула эпідэмія.

У канцы лютага стала вядома, што станоўчы вынік паказаў тэст на каранавірус віцэ-прэзідэнта ў справах жанчын і сям'і Масум Эбтэкар.

Да гэтага пра гэта ж паведамілі кіраўнік камітэта ў пытаннях нацыянальнай бяспекі меджліса Маджтаба Зонур і дэпутат Махмуд Садэк. Таксама заразіўся намеснік міністра аховы здароўя Ірадж Харырчы.

Іран - адзін з сусветных цэнтраў распаўсюджвання пнеўманіі новага тыпу. Паводле афіцыйных звестак, у краіне выяўлена 50,4 тысячы выпадкаў заражэння, 3160 пацыентаў загінулі, 16,7 тысячы вылечыліся.

Напісаць каментар 3

Таксама сачыце за акаўнтамі Charter97.org у сацыяльных сетках