29 сакавiка 2024, Пятніца, 18:14
Падтрымайце
сайт
Сім сім,
Хартыя 97!
Рубрыкі

Улады Інданэзіі вызвалілі 18 тысяч зняволеных

1
Улады Інданэзіі вызвалілі 18 тысяч зняволеных

Урад Інданезіі заявіў, што збіраецца вызваліць больш за 30 000 зняволеных.

У Інданэзіі з месцаў пазбаўлення волі было выпушчана на волю блізу 18 тысяч зняволеных. На такія меры ўлада Інданэзіі пайшла ў спробе спыніць распаўсюджванне каранавіруса COVID-19 у перапоўненых турмах, паведамляе zn.ua са спасылкай на AFP.

Урад Інданезіі заявіў, што збіраецца вызваліць больш за 30 000 зняволеных. Паводле звестак выдання, турмы ў краінах паўднёва-ўсходняй Азіі ўжо пакутуюць ад антысанітарных умоў і інфекцыйных захворванняў.

У распараджэнне аб вызваленні ўвайшлі непаўналетнія правапарушальнікі і дарослыя зняволеныя, якія адбылі як мінімум дзве траціны сваіх тэрмінаў. Вызваленым было рэкамендавана самастойна ізалявацца дома на працягу двух тыдняў.

Фірдаўс, рыбак, зняволены ў турме ў 2017 годзе на востраве Сулавесі за крадзеж залатога пярсцёнка, распавёў выданню, што з палёгкай выйшаў на волю.

«Я баяўся заразіцца ў турме, не кажучы ўжо пра тое, што ахоўнікі прыходзяць і сыходзяць, таму мы не ведаем, з кім яны размаўлялі», сказаў былы вязень.

Напісаць каментар 1

Таксама сачыце за акаўнтамі Charter97.org у сацыяльных сетках