Яшчэ адзін хакеіст каманды Лукашэнкі - кантакт першага ўзроўню

Учора ён здаў тэст на каранавірус.

Нападнік каманды Лукашэнкі Павал Воўчак расказаў tribuna.com, што здаў тэст на каранавірус пасля таго, як COVID-19 выявілі ў Дзмітрыя Мялешкі.

– У Дзмітрыя Мялешкі выявілі каранавірус. Паведамлялася, што вы кантакт першага ўзроўню. Вам паведамлялі пра гэта?

– Сказалі здаць тэст. Я яго ўчора здаў. Да нядзелі быць дома.

– Як сябе адчуваеце?

– Нармальна. Прыходзіў лекар з паліклінікі, вымяраў тэмпературу – усё добра.

– Трывога ёсць?

– Не сказаў бы. Спачатку недзе, можа, і было крыху трывожна. Тым больш інфармацыю даведаўся са СМІ.

– Ці былі ў камандзе нейкія трэніроўкі пасля фіналу?

– Не, мы згулялі і ўсё.

– Ці трэба было праводзіць гэтыя фінальныя матчы?

– Ну, гэта не мне пастанаўляць.