Названы самыя надзейныя аўто 2020 года

Рэйтынг склалі нямецкія спецыялісты.

Арганізацыя TUV з Нямеччыны выпусціла свежы рэйтынг аўтамабіляў на тэрыторыі Еўропы, у якіх заўважана менш за ўсё праблем пры эксплуатацыі, піша segodnya.ua.

Спецыялісты прааналізавалі частату зваротаў у сэрвісныя цэнты розных аўтамабільных марак за апошнія тры гады і атрымалі цікавыя вынікі - былі знойдзеныя мадэлі, якія амаль не ламаюцца.

Нягледзячы на крытыку з боку шматлікіх аўтамабільных экспэртаў, самым надзейным быў прызнаны Mercedes-Benz GLC. Гэты красовер за свае 2-3 гады эксплуатацыі, або 55 тысяч кіламетраў, радзей за ўсё заязджаў у аўтасэрвісы. Пры гэтым у першую дзясятку ўвайшлі яшчэ пяць мадэляў нямецкай маркі: A-Class, B-Class, C-Class, E-Class Coupe і SLC/SLK - усе яны прызнаныя вельмі надзейнымі. У топе таксама аказаліся яшчэ некалькі нямецкіх мадэляў - Audi A7, Q5 і Q3 і Porsche 911, але ўсё гэта аўтамабілі элітнага або бізнэс-класа.

У класе сямейных і проста даступных аўтамабіляў, якія радзей за ўсё ламаюцца, TUV адзначае Volkswagen Golf Plus (11,1% паломак на 75 тысяч кіламетраў), BMW X3 (11,8% паломак на 111 кіламетраў), Opel Agila (11,3% паломак). Таксама ў рэйтынг патрапілі японцы ў асобе Mazda CX-5 (8,8% паломак на 92 тысячы кіламетраў) і Mitsubishi ASX (9,9% паломак на 100 тысяч км).

А вось горшымі паводле рэйтынгу TUV сталі дзве мадэлі Dacia (Renault) Logan і Duster. Да іх жа далучыўся француз Citroen Berlingo.