У Літве падвысяць заробкі лекарам

Таксама павялічацца спецыяльныя надбаўкі для медыкаў.

Урад Літвы прыняў пастанову павысіць заробкі лекарам. Паведаміў прэм'ер-міністр краіны Саўлюс Скверняліс, піша «Новая газета Балтыя».

«Няма чаго чакаць. Выклікі і пагрозы прымушаюць прымаць хуткія пастановы. Мы толькі што прынялі пастанову павысіць заробкаў лекарам. Не надбаўкі, а заробкі. Гэта планавалася зрабіць з 1 верасня. Мы дамовіліся з міністрамі фінансаў і аховы здароўя, што заробкі лекараў павысім з пачатку красавіка», – пісаў ён.

На гэтыя патрэбы з фонду абавязковага страхавання здароўя дадаткова будзе вылучана 130 млн еўраў. Фонд заробкаў павялічыцца на 18%.

«І, вядома, я перакананы, што ў будучы аўторак парламент Літвы ўхваліць зарэгістраваны праект, у адпаведнасці з якім надбаўкі для лекараў, якія працуюць з хворымі на каранавірус, павялічацца з 60 да 100%», – дадаў прэм'ер.

Напярэдадні літоўскі парламент не ухваліў павышэнне заробкаў лекарам, якія працуюць з хворымі Covid-19, паколькі дэпутаты палічылі неабходным павялічыць заробкі ўсім лекарам краіны.