Егіптолагі выявілі малюнкі ўнутры 3000-гадовага саркафага

Малюнак на дне захаваўся лепш за ўсё.

Малюнкі былі выяўленыя ўнутры 3000-гадовага егіпецкага саркафага пасля таго, як з яго ўпершыню за 100 з лішнім гадоў з моманту выяўлення дасталі мумію, піша «Вокруг света».

Шатландскія навукоўцы зрабілі гэта адкрыццё падчас работ па кансервацыі муміі, якую ідэнтыфікуюць як жрыцу або шляхетную асобу з горада Фівы па імі тая-Kr-Hb. Яе парэшткі неўзабаве будуць выстаўленыя ў новым музеі City Hall Museum у Перце (Шатландыя).

Кансерватары дасталі мумію з саркафага і нечакана выявілі, што на яго ўнутраных сценках намаляваныя фігуры егіпецкай багіні Захаду і ўрадлівасці, а таксама заступніцы памерлых Аментэт. Дагэтуль цела пахаванай жанчыны не даводзілася падымаць так высока, каб можна было разгледзець дно саркафага.

Малюнак на дне захаваўся лепш за ўсё. На ім можна бачыць Аментэт у профіль у яе звыклым адзеннi - чырвонай сукенцы. Яе рукі злёгку выцягнутыя, а сама фігура стаіць на платформе.

Навукоўцы прадаўжаюць даследаваць малюнкі.