Фотафакт: У Лондане разгорнуты першы палявы шпіталь для пацыентаў з каранавірусам

Бальніца, у якой будуць працаваць як грамадзянскія, так і вайсковыя медыкі, зможа прыняць да 4 тысяч пацыентаў.

Першы з часовых палявых шпіталяў для лячэння тых, хто заразіўся каранавірусам адкрыўся на базе выставачнага цэнтра ExCel на ўсходзе Лондана, паведамляе ВВС.

Бальніца Найтынгейл, у якой будуць працаваць як грамадзянскія, так і вайсковыя медыкі, зможа прыняць да 4 тысяч пацыентаў.

Шпіталь урачыста адкрыў па відэасувязі са сваёй шатландскай рэзідэнцыі прынц Чарльз, у якога ў сакавіку быў знойдзены каранавірус.

Падобныя часовыя бальніцы плануецца найбліжэйшым часам адкрыць у многіх гарадах Вялікабрытаніі, уключаючы Кардыф, Глазга, Манчэстэр, Харагейт і Брысталь.

Шпіталь у выставачным цэнтры ExCel, створаны ўсяго за 9 дзён, стаў першым у серыі запланаваных бальніц тыпу Найтынгейл. За ім будуць зробленыя бальніцы на базе Універсітэта Заходняй Англіі ў Брыстолі і канферэнц-цэнтры ў Харагейце.

Урачыста адкрываючы новую лякарню па відэасувязі, прынц Чарльз, які знаходзіцца ў самаізаляцыі ў каралеўскай рэзідэнцыі Балморал, высока ацаніў намаганні брытанскіх медыкаў і назваў шпіталь «пышным і нябачаным дагэтуль шэдэўрам».

Ён наглядна прадэманстраваў, як «немагчымае становіцца магчымым», дадаў прынц Валійскі. «У цяперашнія цёмныя часы гэтая бальніца стане променем святла».

Першапачаткова ў бальніцы Найтынгейл будзе толькі 500 ложкаў, але пры неабходнасці там можна будзе аператыўна стварыць яшчэ 3500 месцаў. Бальніца будзе прымаць пацыентаў з каранавірусам у цяжкім стане з іншых медыцынскіх устаноў Лондана.

У шпіталі будуць працаваць супрацоўнікі дзяржаўнай сістэмы аховы здароўя (NHS), у тым ліку студэнты медыцынскіх ВНУ і медвучылішча, а таксама лекары, медсёстры, якія раней выйшлі на пенсію і іншы медыцынскі персанал.

На цырымоніі адкрыцця прысутнічалі таксама міністр аховы здароўя краіны Мэт Хэнкок, што нядаўна перахварэў каранавірусам і які выйшаў з самаізаляцыі, галоўная медсястра Англіі Рут Мэй і галоўны лекар новай бальніцы прафесар Чарльз Найт.

У інтарэсах захавання сацыяльнай дыстанцыі афіцыйныя асобы, уключаючы міністра аховы здароўя Мэта Хэнкока, сталі на спецыяльнай разметцы

Рут Мэй падкрэсліла, што лякарня «цалкам дарэчы» была названая імем сусветна вядомай сястры міласэрнасці часоў Першай сусветнай Флорэнс Найтынгейл, якая была сапраўдным наватарам і прасоўвала новыя метады кантролю над распаўсюджваннем інфекцый.

Мэт Хэнкок адзначыў, што будаўніцтва шпіталя стала «сведчаннем працы шматлікіх цудоўных людзей, якія прымалі ў гэтым удзел», і паказала «лепшае, што ёсць у NHS».