Каранавірус дабраўся да Уздзенскага раёна
3- 4.04.2020, 12:40
- 41,334
У шпіталь забралі сям'ю супрацоўніцы «хуткай дапамогі».
Як паведамілі «Радыё Свабода» жыхары аграгарадка Возера Уздзенскага раёна Менскай вобласці, у жанчыны, якая працуе ў Менскай лякарні хуткай дапамогі, выявілі станоўчы аналіз на каранавірус.
Яе муж расказаў журналістам, што жонка цяпер знаходзіцца ў шпіталі ў Салігорску. Яго з дзецьмі і ўнукамі паклалі ў Уздзенскую лякарню.
«У жонкі на вірус станоўчы аналіз. Яна працуе на «хуткай», а там захварэў лекар. А нас ізалявалі, узялі тэсты, але вынік пакуль невядомы. Дачка, сын, унукі, усе ў адной палаце. У доме правялі дэзінфекцыю».
Ва Уздзенскім райвыканкаме сітуацыю не пракаментавалі, накіравалі ў Міністэрства аховы здароўя.