Беларуская таксістка: Тэрмінова трэба ўводзіць карантын

Кіроўца з Віцебска распавяла, што адбываецца ў яе родным горадзе.

Жыхарка Віцебска Алена Шварц, якая працуе ў адной са службаў таксовак, распавяла прэс-службе грамадзянскай кампаніі «Еўрапейская Беларусь» пра сітуацыю ў горадзе.

Паводле яе слоў, на вуліцах стала нашмат менш людзей, прадпрыемствы і арганізацыі скарачаюць працу, але без увядзення карантыну не абысціся:

- Я ўчора заходзіла ў KFC, спытала, як яны будуць працаваць. Мне сказалі, што з заўтрашняга дня - да 7 вечара. Сапраўды гэтак жа я ведаю месца, мне сказалі, што праца будзе да 19.00. У адной з гімназій Віцебска цяпер таксама абмяркоўваецца сітуацыя. Настаўнікі кажуць, што падоўжаць вакацыі на тыдзень. Калі афіцыйна гэта не будзе заяўлена, то можна прыйсці ў панядзелак, пакінуць заяву, што можна знаходзіцца дома, на хатнім навучанні. Бланкі ёсць, можна прыйсці, падпісаць і падаць.

У Віцебску, у каментарах маці больш адгукаюцца, кажуць: «Мы таксама свайго не адпускаем у школу». Чым бы гэта не абярнулася, дзяцей імкнуцца пакінуць дома.

- Ці стала менш людзей на вуліцах, у транспарце, у парках?

- Я працую ў таксі. Заказаў стала значна менш, людзей на вуліцы - таксама. Забаўляльныя ўстановы начныя, якія яшчэ ўчора працавалі, пустыя. Звычайна пятніца - дзень, калі людзі адпачываюць, забаўляюцца, ходзяць у клубы. Цяпер, мусіць, адна ўстанова, якая працуе да 23.00. Людзей няма.

Што тычыцца ўстаноў грамадскага харчавання, калі ў супрацоўнікаў пытаеш, то яны кажуць, што наведвальнікаў вельмі мала. Нават па аўтамабілях заезджых відаць, што колькасць людзей на вуліцах скарацілася. Людзі імкнуцца абмежаваць аплату гатоўкай, стараюцца плаціць карткай.

Я асабіста ад сябе выказваю пазіцыю, што трэба ўвесці карантын. Хоць бы на адзін-два тыдні, проста выключыць стасункі. Не тое, каб спыніць, але прыпыніць стасункі, каб людзі выключылі. Трэба хоць бы даць магчымасць медперсаналу неяк перадыхнуць, каб яны справіліся з плынню хворых пацыентаў, каб прадухіліць далейшае заражэнне, якое цяпер адбываецца. Ну гэта асабіста маё. Таму, калі ласка, калі ёсць такая магчымасць, максімальна асвятліць сітуацыю ў сацыяльных сетках, сродках масавай інфармацыі. Максімальна.