Гішпанія падоўжыць надзвычайнае становішча да 26 красавіка

У пятніцу Гішпанія ў колькасці заражэнняў апярэдзіла Італію.

Урад Гішпаніі наважыў падоўжыць надзвычайнае становішча праз каранавірус яшчэ на два тыдні, да 26 красавіка.

Пра гэта паведамляе «Еўрапейская праўда» са спасылкай на El Pais.

Прэм'ер-міністр Пэдра Санчэс прыняў гэтую пастанову пасля кансультацыі з навуковым камітэтам, які аналізуе ўсе звесткі і статыстычныя мадэлі развіцця эпідэміі.

У апошнія дні ўрад апублікаваў шмат станоўчых паведамленняў і намагаў на тым, што крывая стабілізавалася, але колькасць заражэнняў прадаўжае расці, і ўрад папросіць парламент дазволіць падоўжыць надзвычайнае становішча яшчэ на два тыдні.

Урад мае патрэбу ў адабрэнні парламента для ўсякага падаўжэння. Гэта другое падаўжэнне на 15 дзён. Такім чынам, надзвычайнае становішча будзе доўжыцца не менш за 45 дзён.

Нагадаем, Гішпанія зарэгістравала 809 смерцяў ад каранавірусу за 24 гадзіны і гэта найменшы штодзённы паказчык за апошнія восем дзён.

У пятніцу Гішпанія ў колькасці заражэнняў апярэдзіла Італію, дзе на ўчорашні вечар было зарэгістравана 115 242 выпадкі заражэння каранавірусам.

Нагадаем, 30 сакавіка ўрад Гішпаніі ўхваліў узмацненне захадаў для стрымлівання распаўсюду каранавірусу.