У Беларусі парушальнікаў самаізаляцыі будуць прымусова шпіталізаваць

Прынятая сумесная пастанова Міністэрства аховы здароўя, МУС і Дзяржаўнага памежнага камітэта.

Улады зацвердзілі інструкцыю аб парадку ўзаемадзеяння дзяржорганаў у забеспячэнні выканання захадаў самаізаляцыі асобамі, якія прыбылі ў Беларусь з краін, у якіх рэгіструюцца выпадкі інфекцыі COVID-19. Сумесная пастанова Міністэрства аховы здароўя, МУС і Дзяржаўнага памежнага камітэта №27/73/4 ад 2 красавіка апублікаваная на Нацыянальным прававым партале.

Раней урад увёў абавязковую самаізаляцыю гэтай катэгорыі грамадзян на працягу 14 дзён. Міністэрства аховы здароўя зацвердзіла правілы паводзін у такой сітуацыі.

Згодна з сумеснай інструкцыяй, МУС на падставе звестак Дзяржаўнага памежнага камітэта аб перасячэнні мяжы будзе фармаваць спісы асоб, якія прыбылі з краін, дзе рэгіструюцца выпадкі COVID-19. Грамадзяне павінны ўказваць адрасы рэгістрацыі і знаходжання. Да 11.00 гэтыя звесткі будуць перадавацца Міністэрству аховы здароўя. Тое, у сваю чаргу, будзе да 12.00 падаваць іх у галоўныя ўпраўленні выканкамаў у ахове здароўя і тэрытарыяльныя цэнтры гігіены і эпідэміялогіі.

Ацэнка прытрымлівання патрабавання самаізаляцыі ўскладзеная на мясцовыя цэнтры гігіены і эпідэміялогіі. «Наведванне праводзіцца без уваходу ў жылое памяшканне і непасрэднага кантакту з прыбылі асобамі альбо асобамі, што сумесна пражываюць з імі, шляхам іх вуснага апытання або іншым спосабам», - гаворыцца ў дакуменце.

У выпадках калі пад час самаізаляцыі асоба будзе адсутнічаць па месцы жыхарства або парушыць правілы самаізаляцыі, цэнтры гігіены і эпідэміялогіі сумесна з міліцыяй павінны прыняць захады па ўсталяванні яго месцазнаходжання і матывах невыканання самаізаляцыі. На працягу аднаго працоўнага дня санстанцыя павінна разгледзець пытанне аб прымяненні спецыяльных захадаў аказанні медыцынскай дапамогі, прадугледжаных законам аб папярэджанні распаўсюджвання захворванняў, якія ўяўляюць небяспеку для здароўя насельніцтва, ВІЧ. Адным з пунктаў дакумента дапускаецца прымусовае шпіталізацыя і лячэнне.