29 сакавiка 2024, Пятніца, 18:40
Падтрымайце
сайт
Сім сім,
Хартыя 97!
Рубрыкі

У Расеі мужчына застрэліў пецярых чалавек за тое, што яны гучна размаўлялі

У Расеі мужчына застрэліў пецярых чалавек за тое, што яны гучна размаўлялі

32-гадовага расейца затрымалі.

У паселішчы Елацьме (Разанская вобласць, РФ) 32-гадовы мужчына з паляўнічай стрэльбы застрэліў пецярых чалавек, паведамляе разанская ўправа Следчага камітэта РФ.

Інцыдэнт адбыўся позна ўвечары 4 красавіка, піша gordonua.com.

"Паводле версіі следства, мужчына, знаходзячыся на балконе сваёй кватэры, зрабіў заўвагу грамадзе маладзёнаў, якія гучна размаўлялі на дварэ пад ягонымі вокнамі. Паміж імі адбыўся слоўны канфлікт, у выніку якога мужчына ўзяў зарэгістраваную гладкарулевую паляўнічую стрэльбу, якая знаходзілася ў ягонай кватэры, выйшаў у пад'езд і зрабіў стрэлы ў чатырох дзецюкоў і жанчыну", - сказана ў паведамленні.

Усе яны, паводле звестак СК, памерлі на месцы ад атрыманых ран.

Падазраванага затрымалі. "Найбліжэйшым часам будуць прызначаныя ўсе неабходныя экспертызы. Следства мае намер хадайнічаць аб абранні затрыманаму меры стрымання ў выглядзе змяшчэння пад варту”, - заявілі ў СК.

За наўмыснае забойства двух і больш чалавек Крымінальным кодэксам РФ прадугледжанае пакаранне ў выглядзе пазбаўлення волі на тэрмін ад васьмі да 20 гадоў або пажыццёвага зняволення.

Таксама сачыце за акаўнтамі Charter97.org у сацыяльных сетках