Галоўная санітарная лекарка Шатландыі падае ў адстаўку пасля парушэння карантыну
6- 6.04.2020, 9:48
- 12,169
Кэтрын Колдэрвуд парушыла ўласныя рэкамендацыі сядзець дома.
5 красавіка галоўная санітарная лекарка Шатландыі Кэтрын Колдэрвуд напісала заяву аб адстаўцы. Пра гэта паведамляе Reuters.
Паводле ейных слоў, з пасады яна сыходзіць "з цяжкім сэрцам".
Прычынай адстаўкі паслужыла тое, што Колдэрвуд другія выходныя запар ездзіла ў яшчэ адзін свой дом, нягледзячы на ўласныя рэкамендацыі выконваць карантынныя мерапрыемствы ў сувязі з распаўсюджваннем каранавіруснай інфекцыі.
Колдэрвуд была прызначаная на пасаду ў 2015 годзе.
Успышка каранавіруснай інфекцыі COVID-19 пачалася ў снежні 2019 года ў кітайскім Ухань. 11 сакавіка Сусветная арганізацыя здароўя абвясціла распаўсюджванне каранавіруса пандэміяй.
Са звестак амерыканскага Універсітэта Джонса Гопкінса на 6 красавіка, агульная колькасць інфікаваных ў свеце перавысіла 1,26 млн, з іх амаль 260 тысяч ачунялі, больш за 69 тысяч памерлі.
Колькасць смерцяў у Вялікабрытаніі, куды ўваходзіць Шатландыя, - больш за 4,9 тысяч.