Навукоўцы высветлілі, якія рысы характару залежаць ад генетыкі

Даследаваннем займалася група замежных псіхолагаў.

Ролю генетыкі ў развіцці чалавека цяжка пераацаніць. Гены ўплываюць на схільнасць да захворванняў, шкодных звычак. Аднак навукоўцам таксама атрымалася высветліць, што гены шмат у чым уплываюць таксама і на асаблівасці характару чалавека.

Даследаваннем займалася група замежных псіхолагаў. Высновы экспэртаў былі апублікаваныя ў замежных СМІ, піша lenta.ua.

На што ж можа паўплываць генетыка:

Схільнасць да вывучэння моў

Калі мама ці тата размаўляюць на некалькіх мовах, то вялікая імавернасць таго, што іх дзеці будуць таксама таленавітымі ў гэтай галіне ведаў. Веды бацькоў, вядома, не перадаюцца «магічным» чынам, аднак дзіця валодае інтуітыўнай пісьменнасцю і значна хутчэй асвойвае лексічнае багацце мовы.

Здольнасць спраўляцца са стрэсам

Таксама з'яўляецца генетычна абумоўленай асаблівасцю. Калі бацькі спакойна пераносяць стрэсавыя сітуацыі і валодаюць навыкамі якаснай барацьбы з наступствамі нервовай напругі, то і дзіця зможа авалодаць імі. Працуе і ў адваротным кірунку: калі дарослыя эмацыйна не ўстойлівыя і схільныя да пачуццёвых усплёскаў, то і дзеці будуць мець такую рэакцыю.

Характар

Шматлікія важныя псіхалагічныя асаблівасці перадаюцца на генным узроўні: навукоўцы мяркуюць, што гэты чыннік уплывае ў 60% выпадкаў. Як правіла, гаворка ідзе пра трывожнасць, ступені камунікабельнасці і нават пра тэмперамент.

Ад генетыкі таксама залежыць, як дзіця будзе рэагаваць на спіртныя напоі.