Беларуска прызнаная «найлепшым прафесійным еўрапейскім фатографам»
3- 6.04.2020, 15:38
- 16,057
У конкурсе ўзялі ўдзел больш за 2200 фота з 29 краін.
Беларуска Дар'я Матросава стала пераможцай конкурсу Федэрацыі еўрапейскіх фатографаў. Аб гэтым паведамляецца на афіцыйным сайце гэтай арганізацыі, піша tut.by.
Дар'я стала абсалютнай пераможцай конкурсу і прызнаная «Найлепшым прафесійным еўрапейскім фатографам-2020». Яна - першая жанчына-фатограф, якая атрымала гэтае званне, а таксама першы фатограф з Усходняй Еўропы.
Таксама Дар'я стала пераможцай у намінацыі «Ілюстрацыя, лічбавае і выяўленчае мастацтва».
Сёлета ў конкурсе ўзялі ўдзел больш за 2200 выяваў з 29 розных краін. Цырымонія павінна была адбыцца ў Рыме. Але праз каранавірус вынікі былі падведзеныя онлайн.
Дар'я Матросава нарадзілася ў Віцебску, вучылася на мастацка-графічным факультэце ВДУ.