Байдэн: Дэмакраты могуць вылучыць кандыдата ў прэзідэнты ЗША онлайн
- 6.04.2020, 16:18
- 6,101
Былы віцэ-прэзідэнт пракаментаваў магчымую пастанову аб адтэрміноўцы выбараў.
Праз распаўсюджванне каранавіруса былы віцэ-прэзідэнт ЗША Джо Байдэн выказаў здагадку, што кандыдата ў прэзідэнты ад Дэмакратычнай партыі могуць выбраць паводле онлайн апытання. Пра гэта паведамляе rbc.ua. Байдэн пракаментаваў такую пастанову ў жывым эфіры тэлеканала ABC.
«Магчыма, давядзецца правесці віртуальны з'езд. Магчыма, мы не зможам сабраць у адным месцы 10, 20, 30 тысяч людзей», - заявіў ён.
Як паведамлялася раней, ліпеньскі з'езд у горадзе Мілуокі, на якім павінен быць афіцыйна вылучаны кандыдат ад дэмакратаў на прэзідэнцкіх выбарах, перанесены на 17 жніўня.
З правядзеннем з'езда дэмакратаў павінен быць абвешчаны афіцыйны старт выбарчай кампаніі, а прэзідэнцкія выбары ў ЗША запланаваныя на 3 лістапада.