4 чэрвеня 2020, Чацвер, 4:39
Сім сім, Хартыя 97!
Рубрыкі

Колькасць чалавек, што заразілася каранавірусам у свеце, перавысіла 1,3 мільёна

Колькасць чалавек, што заразілася каранавірусам у свеце, перавысіла 1,3 мільёна

Больш за ўсё тых, хто заразіўся зафіксавана ў ЗША.

Больш за 1,3 мільёна чалавек ва ўсім свеце захварэлі на каранавірусную інфекцыю COVID-19. Пра гэта сведчаць звесткі агенцтва BNO News, паведамляе lenta.ru.

Паводле яго інфармацыі, цяпер каранавірусам SARS-CoV-2 заразіліся 1312,5 тысячы чалавек. Большая частка з іх - 344,4 тысячы - у ЗША. На другім месцы ідзе Гішпанія з 135 тысячамі хворых. Толькі трохі адстае Італія - 132,5 тысячы. Затым па ліку інфіцыраваных ідуць Нямеччына (больш за 101 тысячу выпадкаў) і Францыя (92,8 тысячы). Кітай, у якім першапачаткова пачалася эпідэмія, займае шостае месца (83,5 тысячы).

Вылечылася дагэтуль не менш як 273,6 тысячы чалавек. Пры гэтым звыш 72,5 тысячы памерлі, больш за ўсё - у Італіі, Гішпаніі і ЗША.

Раней за 6 красавіка стала вядома, што больш за 100 італьянскіх медыкаў сталі ахвярамі пнеўманіі новага тыпу. Сярод іх 80 дактароў і 21 медсястра або медбрат. Высокую смяротнасць сярод медработнікаў у краіне тлумачаць недахопам ахоўных сродкаў.