Прэм'ер-міністр Швэцыі: Мы будзем лічыць мёртвых тысячамі

Смяротнасць ад каранавірусу ў гэтай краіне вышэйшая, чым у астатняй Скандынавіі.

Лукашэнкаўскія прапагандысты ў спробе апраўдаць сваю бяздзейнасць падчас пандэміі каранавірусу прыводзяць у прыклад так званы досвед Швэцыі. У гэтай краіне таксама адсутнічае карантын. Як жа ідуць справы ў гэтай скандынаўскай краіне?

5 красавіка швэдскае інфармагенцтва TT паведаміла, што колькасць памерлых ад каранавірусу ў Швэцыі можа быць вышэйшай, чым паведамляецца афіцыйна. Справа ў тым, што штодзённыя зводкі аб памерлых дапаўняюцца прамінулай датай (Агенцтва грамадскага аховы здароўя Швэцыі не раз папярэджвала пра гэта). На падставе дапоўненых звестак ТТ зрабіла выснову, што на 5 красавіка ад каранавіруса ў краіне памерлі не 373 чалавекі, а як мінімум 750, піша «Медуза».

Пазней агенцтва скарэктавала свае разлікі, выдаліла колькасць 750 і адзначыла, што рэальная колькасць памерлых ад каранавірусу невядомая. Галоўны эпідэміёлаг Швэцыі Андэрс Тэгнэл ацаніў яго менш чым на 500 чалавек. «Мы не спрабуем нічога ўтойваць. Але мы таксама не павінны ствараць ілжывае ўяўленне пра тое, што ёсць мноства смерцяў [ад каранавірусу], якія мы не можам знайсці. Мы знаходзім іх, але часам трохі позна», - сказаў ён.

Нават калі так, смяротнасць ад каронавіруснай інфекцыі ў Швэцыі вышэйшая, чым у іншых скандынаўскіх краінах, якія ўвялі больш жорсткія абмежаванні. Паводле інфармацыі швэдскай агульнанацыянальнай тэлевізіі SVT на 5 красавіка, у Швэцыі на мільён чалавек прыпадае 39 памерлых, у Даніі — 31, у Нарвегіі — 13, у Фінляндыі — 5 (для параўнання, у Італіі ды Гішпаніі — 263 і 271 чалавек адпаведна).

Галоўны эпідэміёлаг Швэцыі намагае, што карантын можа пашкодзіць здароўю грамадства больш, чым хвароба

Швэцыя - адна з нямногіх еўрапейскіх краін, дзе дагэтуль не ўведзеныя жорсткія карантынныя захады для барацьбы з каранавірусам. Швэдам можна свабодна выходзіць на вуліцу, ездзіць на працу і вадзіць дзяцей у школу, наведваць кавярні, цырульні і гандлёвыя цэнтры. Толькі ў канцы сакавіка ўрад зацвердзіў некалькі забаронаў. Напрыклад, былі забароненыя мерапрыемствы з колькасцю ўдзельнікаў, большай за 50 чалавек, і закрытыя для наведвання дамы састарэлых.

У астатнім улады абмяжоўваюцца рэкамендацыямі: выконваць дыстанцыю, працаваць з дому, часцей мыць рукі, не наведваць паджылых сваякоў і не ездзіць у грамадскім транспарце ў гадзіны розруху. Прэм'ер-міністр Швэцыі Стэфан Лёвен казаў, што ў барацьбе з каранавірусам трэба спадзявацца на пачуццё здаровага сэнсу швэдаў. Да апошняга часу насельніцтва ўхваляла такі падыход: рэйтынг даверу Лёвену вырас з 26% у лютым да 44% у сакавіку.

Са слоў Андэрса Тэгнэла, Нацыянальная стратэгія барацьбы з COVID-19 палягае ў тым, каб забяспечыць плыўнае распаўсюджванне віруса, не перагружаючы сістэму аховы здароўя, пакуль у насельніцтва не выпрацуецца калектыўны імунітэт або пакуль не вынайдуць вакцыну. «Важна знайсці захады, якіх можна прытрымлівацца цягам доўгага часу. Замкнуць людзей дома надоўга не атрымаецца», - мяркуе ён. Улічваючы адносна вялікую колькасць супрацоўнікаў, занятых у швэдскай сістэме аховы здароўя, мяркуе ён, самаізаляцыя дзяцей і іх бацькоў, якія працуюць у гэтай сістэме, можа прычыніць больш сур'ёзную шкоду, чым сама хвароба.

Стратэгіі калектыўнага імунітэту планавалі прытрымлівацца таксама Вялікая Брытанія і Нідэрланды, але абедзве краіны змянілі палітыку пасля папярэджання навукоўцаў аб тым, што гэта можа пагражаць сотнямі тысяч смерцяў і калапсам сістэмы аховы здароўя, адзначае The Wall Street Journal. Тэгнэл, аднак, сцвярджае, што выпрацоўка калектыўнага імунітэту сама па сабе не з'яўляецца мэтай швэдскай палітыкі і, больш за тое, не развяжа ўсіх праблем. Менавіта таму, з ягоных слоў, улады Швэцыі з самага пачатку віталі паўсюднае абмежаванне сацыяльных кантактаў. У той жа час ён прызнаваў, што стратэгічныя мэты Вялікай Брытаніі і Нідэрландаў не супярэчаць швэдскім.

Стратэгію ўладаў крытыкуюць многія швэдскія навукоўцы

У канцы сакавіка блізу дзвюх тысяч швэдскіх навукоўцаў, сярод якіх быў і старшыня праўлення Нобелеўскага фонду, малекулярны біёлаг Карл-Хенрык Хелдзін, апублікавалі адкрыты ліст да ўрада з патрабаваннем зрабіць больш жорсткімі захады сацыяльнай ізаляцыі і ўвесці больш шырокае тэставанне на каранавірус (цяпер у краіне тэстуюць толькі людзей, якія маюць сімптомы і маюць патрэбу ў лячэнні, а таксама тых, хто даглядае за паджылымі людзьмі).

Апаненты швэдскай стратэгіі кажуць аб адсутнасці дастатковых доказаў яе эфектыўнасці. З іх слоў, азіяцкія краіны, якія не ўводзілі маштабны карантын, хоць бы масава тэставалі грамадзян. «Мы недастаткова тэстуем, мы недастаткова ізалюем. Мы дазволілі вірусу распаўсюдзіцца», — мяркуе прафесар Каралінскага інстытута ў Швэцыі, спецыяліст па мікрабіялагічнаму патагенезу Сесілія Сёдэрбэрг-Наўклер.

Крытыкі таксама патрабуюць як мага хутчэй закрыць Стакгольм, на які прыпадае блізу паловы выпадкаў COVID-19 у Швэцыі. Са слоў спецыяліста ў інфекцыйных хваробах Стэфана Хансана, сітуацыя ў горадзе хутка становіцца крытычнай: «Існуе рэальная рызыка, што выпадкаў каранавірусу стане так шмат, што лякарні не справяцца. Выбар лячэння ўжо даводзіцца рабіць на падставе біялагічнага ўзросту»

Урад Швэцыі рыхтуецца да больш жорсткіх карантынных захадаў

Паводле звестак на 6 красавіка, у Швэцыі каранавірусам заражаныя 7206 чалавек, 477 чалавек памерлі. Андэрс Тэгнел прызнаў, што крывая заражэння ў Швэцыі «становіцца больш стромкай». Аднак ён намагае на тым, што гэта чакана і што краіна спраўляецца з эпідэміяй. Але ўрад Швэцыі ўжо не ўпэўнены, што мяккія захады дапамогуць стрымаць распаўсюджванне каранавіруса, — і рыхтуецца да больш жорсткіх.

На мінулым тыдні швэдскія СМІ паведамілі, што ўрад распрацоўвае законапраект, які дазволіць яму ўводзіць каранцітынныя захады (напрыклад, закрываць рэстарацыі, гандлёвыя цэнтры, аэрапорты і вакзалы, а таксама пераразмяркоўваць медыцынскае абсталяванне паміж рэгіёнамі) без адабрэння парламента. Кабінет міністраў Швэцыі не меў такіх шырокіх паўнамоцтваў з Другой сусветнай вайны. Зрэшты, згодна з законапраектам, ён зможа карыстацца імі не даўжэй за тры месяцы.

Некалькі апазіцыйных парламенцкіх партый выступілі супраць ініцыятывы ўрада. Сацыял-дэмакратычная рабочая партыя Швэцыі, якую ўзначальвае цяперашні прэм'ер Стэфан Лёвен, не мае большасці ў парламенце і не зможа самастойна забяспечыць прыняцце законапраекта, таму ўраду давялося яго скарэктаваць. Згодна з новай версіяй, парламент будзе разглядаць карантынныя захады ўрада постфактум.

4 красавіка Стэфан Лёвен заявіў у інтэрв'ю швэдскаму выданню Dagens Nyheter, што крызіс будзе доўжыцца месяцы і краіне варта чакаць тысяч смерцяў. «Мы выбралі стратэгію, якая палягае ў спробе згладзіць крывую [захворвання]...але гэта таксама азначае, што ў нас будзе больш цяжкахворых, якія маюць патрэбу ў інтэнсіўнай тэрапіі, у нас будзе значна больш смерцяў. Мы будзем лічыць мёртвых тысячамі», - сказаў прэм'ер-міністр.