31 траўня 2020, Нядзеля, 3:37
Сім сім, Хартыя 97!
Рубрыкі

На Казахстан абрынуўся снежны буран

2
На Казахстан абрынуўся снежны буран
ФОТА: СКРЫНШОТ
БУРАН У ГОРАДЗЕ КАСТАНАЙ

Вецер выкарчоўваў дрэвы, зрываў дахі і абліцоўванне будынкаў.

Магутны снежны буран абрынуўся на паўночны захад Казахстана, абясточыўшы населеныя пункты ў Кастанайскай і Акмалінскай абласцях, паведамляе korrespondent.net.

Паводле звестак мясцовых СМІ, мясцовыя жыхары засталіся без святла, вады і ацяплення. Былі пашкоджаныя лініі электраперадачы - паваленыя як мінімум 42 апоры, у многіх месцах меліся выпадкі абрыву правадоў. Вецер парывамі да 35-37 метраў у секунду выкарчоўваў дрэвы, сарваў дахі, абліцоўванне будынкаў.

Агулам без электразабеспячэння засталося большасць спажыўцоў Кастанайскай вобласці, у тым ліку гарадоў Кастанай, Рудных і Лісакоўск.

У першай палове дня пачалося рэзкае пагаршэнне ўмоў надвор'я ў вобласці: багаты снегапад, моцная завіруха, ураганны вецер з парывамі да 35-37 метраў у секунду.

Таксама спыніўся грамадскі транспарт, а на дарогах у Кастанайскай вобласці затрымаліся кіроўцы.