4 чэрвеня 2020, Чацвер, 0:07
Сім сім, Хартыя 97!
Рубрыкі

Акадэмік распавёў, колькі каранавірус жыве на масцы, адзенні і грошах

9
Акадэмік распавёў, колькі каранавірус жыве на масцы, адзенні і грошах

На гладкіх паверхнях COVID-19 актыўны даўжэй.

Акадэмік Расейскай акадэміі навук, першы намеснік старшыні камітэта Дзярждумы РФ у адукацыі і навуцы, былы кіраўнік Расспажыўнагляду Генадзь Анішчанка распавёў interfax.ru пра тое, колькі жыве COVID-19 на тых жа медыцынскіх масках. З яго слоў, на ўнутранай іх частцы вірус жыве чатыры дні, на знешняй - да сямі дзён. На адзенні ён гіне за суткі. Анішчанка спасылаецца на звесткі даследаванняў навукоўцаў з Ганконга.

«Пры 37 градусах цяпла вірус гіне на другі дзень, - працягвае аповед Генадзь Анішчанка. - Пры 56 градусах цяпла - праз паўгадзіны, пры павелічэнні тэмпературы да 70 градусаў - час інактывацыі 5 хвілін».

Спецыялісты прыйшлі да высновы, што на гладкіх паверхнях COVID-19 актыўны даўжэй. А вось на сурвэтках ці папяроснай паперы яго ўжо няма праз тры гадзіны. На шкле, як і на банкнотах, вірус гіне на чацвёрты дзень.

Анішчанка звярнуў увагу на такі факт: «Вірус стабільны пры плюс 4 градусах Цэльсія, а 4 градуса - гэта тэмпература халадзільніка, там ён добра захоўваецца». Што да слоў Аляксандра Лукашэнкі аб карыснасці ў барацьбе з каранавірусам лазні, то акадэмік прытрымліваецца іншага меркавання. З яго слоў, паход у лазню ад COVID-19 не вылечыць, а калі інфекцыя ўжо ёсць, то для чалавека лазня будзе шкодная.