Амерыканскія навукоўцы развеялі міф аб калектыўным імунітэце да каранавіруса

Усе сцвярджэнні аб яго наяўнасці выклічуць катастрофу ў сістэме аховы здароўя.

Пра гэта заявілі навукоўцы дэпартамента эпідэміялогіі Школы грамадскай аховы здароўя імя Джонса Хопкінса ў Блумбергу, паведамляе РІА «Новости».

Такія высновы навукоўцы зрабілі на аснове статыстыкі заражэння каранавірусам SARS-CoV-2. Яны звярнулі ўвагу, што ў аніводнай краіне доля інфікаваных не перавысіла двух-чатырох адсоткаў, у той час як для выпрацоўкі калектыўнага імунітэту неабходна, каб 70% насельніцтва перахварэлі або былі вакцынаваныя.

Навукоўцы прывялі ў прыклад ЗША. Цяпер у краіне заражаныя блізу 1,25 мільёна чалавек, для дасягнення калектыўнага ж імунітэту без вакцынавання неабходна не менш за 200 мільёнаў выпадкаў пры насельніцтве краіны 328 мільёнаў чалавек. Пры гэтым ужо цяпер можна казаць пра тое, што ад каранавіруса загінуў кожны пяцісоты жыхар Нью-Ёрка.

Акрамя таго, эпідэміёлагі заклікалі адмовіцца ад спробаў наўмысна заразіцца каранавірусам дзеля імунітэту. Яны нагадалі, што 80-я гады былі папулярныя «вятранка-паці», мэтай якіх было заражэнне ветранай воспай, і заклікалі не ладзіць аналагічныя вечарынкі, каб захварэць на COVID-19. Навукоўцы падкрэслілі, што ад каранавіруса ў Штатах штодня памірае да дзвюх тысяч чалавек, у той час як вятранка забірала не больш за 150 жыццяў на год.

Даследнікі падкрэслілі, што калі каранавірус прадоўжыць распаўсюджвацца ў ЗША такімі ж тэмпамі - па 25 тысяч новых выпадкаў заражэння за дзень, - то дасягнуць калектыўнага імунітэту без вакцыны атрымаецца толькі ў 2021 годзе. І гэта будзе каштаваць жыцця больш чым 500 тысячам амерыканцаў.

У пачатку пандэміі каранавіруса ўлады некаторых краін выступалі супраць жорсткіх абмежаванняў, бо планавалі сфармаваць калектыўны імунітэт. Такога падыходу, напрыклад, прытрымлівалася Велікая Брытанія. Улады краіны пастанавілі ізаляваць людзей з групы рызыкі, аднак гэта сябе не апраўдала, і ў другой палове сакавіка ў Брытаніі ўвялі шырокія абмежавальныя захады.

Нагадаем, Лукашэнка з'яўляецца прыхільнікаў барацьбы з каранавірусам менавіта метадам «набыцця калектыўнага імунітэту».