29 сакавiка 2024, Пятніца, 18:43
Падтрымайце
сайт
Сім сім,
Хартыя 97!
Рубрыкі

«Выбарчая кампанія» ва ўмовах эпідэміі нясе пагрозу жыццям беларусаў

22
«Выбарчая кампанія» ва ўмовах эпідэміі нясе пагрозу жыццям беларусаў

Рэдакцыя Charter97.org адмаўляецца ад асвятлення «прэзідэнцкіх выбараў» да змены эпідэміялагічнага становішча.

Эпідэмія каранавіруса штодня забірае жыцці людзей у Беларусі. Паводле аб'ектыўных ацэнак, у краіне заражаныя сотні тысяч чалавек, колькасць памерлых ідзе на тысячы. Практычна кожны горад краіны ператварыўся ў «асяродак» інфекцыі, бальніцы перапоўненыя, лекары не паспяваюць ратаваць людзей, таму што захворваюць самі. Не дапамагае і трактар: Беларусь стала, бадай, адзінай краінай у свеце, дзе хварэюць цэлымі вёскамі. Усё гэта стала вынікам палітыкі ўладаў, якія адмовіліся ад увядзення карантыных захадаў. Спецыяльна заражаючы людзей, рэжым праводзіць у перыяд эпідэміі парады, суботнікі, малебны, канцэрты і нарэшце - «выбарчую кампанію».

Сумленных і свабодных выбараў у Беларусі няма ўжо шмат гадоў, усе вынікі фальсіфікуюцца. Можна спрачацца пра эфектыўнасць стратэгій удзелу ці няўдзелу ў такіх «выбарах» у любы іншы час, але правядзенне фальшывай выбарчай кампаніі ва ўмовах смяротнай пандэміі - двайное злачынства.

Рэдакцыя Charter97.org вітае пастанову абсалютнай большасці апазіцыйных дэмакратычных сіл Беларусі адмовіцца ад удзелу ў так званых «прэзідэнцкіх выбарах» дзеля захавання здароўя і жыццяў беларусаў. Мы таксама маем намер адмовіцца ад асвятлення «выбарчай кампаніі» і імітацыйных дзеянняў так званых кандыдатаў да змены эпідэміялагічнага становішча. Уважаем, што ўдзел у масавых мерапрыемствах у пік эпідэміі рэальна пагражае жыццям людзей і спрыяе распаўсюджванню каранавіруснай інфекцыі. Аднак мы маем намер асвятляць экстрэмальныя выпадкі і пытанні парушэння правоў чалавека.

Беражыце сябе, паважаныя чытачы.

Напісаць каментар 22

Таксама сачыце за акаўнтамі Charter97.org у сацыяльных сетках